Псалми 54 - Свето Писмо: Стандардна Библи?а 2006 (со девтероканонски книги)（MK2006D）

ПСАЛМ 54Молитва за помош против лажни браќа

1 16,1; 85,6 Чуј ја, Боже, молитвата моја и не криј се од моето молење;

2погледај ме и услиши ме. Нажален сум во тагата моја

3и збунет сум од гласот на неприја­те­лите, од притисокот на грешниците, зашто вршат врз мене беззаконие и со гнев разгоруваат непријателство против мене.

4Срцето мое затрепери во мене, и смртен страв ме спопадна;

5Јов 4,14страв и трепет ме сполетаа, и стра­вотии ме обзедоа.

6И јас реков: „Кој ќе ми даде крилја гулабови, па да одлетам и да се успокојам;

7Ер 9,2; Откр 12,6далеку би отишол и би се сместил во пустината;

8би побрзал да си најдам засолниште од бу­рата и виорот.

9Ер 5,1; 6,5; Ез 22,2; Соф 3,1Смути ги, Господи, и раздели ги нив­ните јазици, зашто видов насилство и расправии во градот.“

10Дење и ноќе обиколуваат покрај ѕи­довите негови; и во него беззаконие, ма­ка и неправда има;

11а не недостасува ни измама и лукав­ство по улиците негови.

12Да ме беше навредил непријателот мој, тоа би го поднел, и завидливецот мој да се беше покажал силен, јас ќе се сокриев;

1340,9; Ер 9,4.8; Мт 26,21-24но тоа беше ти, човеку, кој си како јас, другар мој и пријател мој,

14со кого радосно се дружев и сме оделе заедно во Божјиот дом!

1548,14; 4 Мојс 16,33; Ис 5,14; Изреки 1,12Смртта нека дојде на нив; да слезат живи во пеколот, зашто пакост има сре­де нив, во живеалиштата нивни.

16Јас, пак, Бога ќе Го повикам, и Гос­под ќе ме слушне.

17Дан 6,10Навечер и наутро, и напладне ќе молам и ќе викам, и Тој ќе го чуе гла­сот мој,

18ќе ја избави во мир душата моја од оние, кои ми се приближуваат, зашто многу ги има што се против мене,

1928,10; 92,2Бог ќе ме чуе и ќе ги понизи; Оној, Кој вечно царува, зашто во нив нема промена; тие не се плашат од Бога.

20Ги креваат рацете свои против оние, со кои живееја во мир, го на­ру­ши­ја Неговиот завет.

215,9; 27,3; 56,4; Изреки 12,18Говорот им е мек како кајмак, а во срцето им е непријателство; зборовите им се како масло, но тие се стрели.

221 Птр 5,7Пренеси ја на Господ маката своја, и Тој ќе те поткрепи. Тој нема да доз­во­ли праведниот човек да пострада.

2324,2; 55,4; 101,24; Ис 38,10; Изреки 10,27Ти, Боже, ќе ги фрлиш во погибелна јама; крвниците и измамниците нема да поживеат ни половина од деновите свои. Јас, пак, во Тебе се надевам!