Ефесјаните 4 - Свето Писмо: Стандардна Библи?а 2006 (со девтероканонски книги)（MK2006D）

Единството на телото

1 3,1; Кол 1,10 Браќа, јас, затвореник во Господ, ве молам да се однесувате достојно според звањето, за кое сте повикани,

2Гал 6,2; Кол 3,12-13со сета понизност и кротост, со долготрпеливост, поднесувајќи се еден со друг со љубов,

31,10; 2,13-16; Фил 1,27; Кол 1,20трудејќи се да го запазите единството на Духот преку врските на мирот.

45 Мојс 6,4-5; Мт 23,8-10; 1 Кор 12,4-6

Рим 12,3-6; 1 Кор 10,17; Кол 1,5Едно тело сте и еден Дух, како што сте и повикани кон една надеж на ва­ше­то звање.

51 Кор 1,13; 8,6Еден Господ, една вера и едно крш­тение,

6еден е Бог и Отец на сите, Кој е над сѐ, и преку сите, и во сите нас.

7Рим 12,3.6; 1 Кор 12,11А на секого од нас благодатта му е дадена според мерката на дарот Христов.

8Пс 67,18; Кол 2,15Затоа е и речено: „Издигајќи се на височина, плени плен и им даде дарови на луѓето.“

9Пс 67,18; Јн 3,13А што означува „издигајќи се“, ако не тоа дека Тој слезе пред тоа во најдолните места на земјата.

10Слегнатиот е истиот, Кој се издигна повисоко од сите небеса, за да исполни сѐ.

111 Кор 12,4-11.28И Тој постави едни за апостоли, други за пророци, трети за благовестители, четврти за пастири и учители,

122,21за усовршување на светиите во де­лото на служењето, за изградување на Христовото тело,

13Кол 1,28додека сите не го достигнеме единството на верата и познанието на Синот Божји, до состојба на совршен човек, до мера на возраста на Христовата полнота,

14Рим 16,19; 1 Кор 3,1-3; 14,20; Евр 5,11-14; 13,9та да не бидеме веќе мали деца што ги лула и занесува секој ветар на лаж­ните учења, преку човечките заблуди, во лукавството на измама кон заблуда.

151,22; Кол 1,18Туку со љубов држејќи се за вистината во секој поглед да растеме во Оној, Кој е глава, Христос.

16Кол 2,19Со Него целото тело е составено и склопено и сврзано преку сите дарувани врски, при дејството на секој дел, поради силите негови, нараснува за да се изградува во љубов.

Новиот живот во Христос

17 Рим 1,18-32 Ова, пак, го зборувам и сведочам во Господ; да не живеете повеќе како што живеат и другите незнабошци, по суетата на својот ум;

182,12; Мк 3,5помрачени во разумот, отуѓени од Божјиот живот поради нивното незна­ење и тврдокорноста на нивното срце;

19дојдени до бесчувство, тие се пре­да­доа на разврат и ненаситно вршат се­каква нечистота.

20Но вие не Го познавте така Хрис­та,

21ако навистина сте чуле за Него и во Него сте биле поучувани – дека вистината е во Исус,

22Кол 3,5.9-10тогаш отфрлете го од себе стариот човек според вашето поранешно жи­ве­ење, кој се распаѓа во измамливите желби,

23Рим 12,2за да се обновите со духот на својот ум

24Кол 3,10и да се облечете во новиот човек, создаден според Бога во вистинска праведност и светост.

25Зах 8,16; Рим 12,5; 1 Кор 12,12; Кол 3,8-9Поради тоа, откако ја отфливте лагата, кажувајте си ја вистината секој на својот ближен, бидејќи сме делови еден на друг.

26Пс 4,4.8; Мт 5,22; Јк 1,19-20Гневете се, но не грешете: сонцето да не зајде над гневот ваш;

27и не давајте му место на ѓаволот.

281 Кор 4,12; 1 Сол 4,11Крадецот да не краде веќе, туку нека се труди и подобро е да се труди со своите сопствени раце да го прави она што е добро, за да има што да му даде на оној што има потреба.

295,4; Мт 15,11; Кол 3,8.16; 4,6; Јк 3,10-12Никаков гнасен збор да не излегува од устата ваша, туку само добар, за надградување каде што треба, за да им даде благодат на оние што слушаат.

301,13-14; Ис 63,10И не оскрбувајте Го Светиот Дух Божји со Кој сте запечатени за денот на откупувањето.

31Кол 3,8Отстранете ја подалеку од вас секоја огорченост, јарост, гнев, викање и хулење заедно со секоја друга злоба.

32Мт 6,14; 18,22-35; Кол 3,12-13Бидете еден спрема друг добри и милосрдни, проштавајќи си еден на друг, како што и Бог ви прости во Христа.