Сирахова 30 - Свето Писмо: Стандардна Библи?а 2006 (со девтероканонски книги)（MK2006D）

Одгледување деца

1 Изреки 13,24; 23,13-14; 29,15 Кој синот свој го сака, често го казнува – та на крајот да му се радува.

2Изреки 29,17Кој синот свој добро го воспитува – помош ќе има од него; меѓу своите познати со него ќе се фали.

3Кој синот свој го поучува – предиз­викува завист кај својот непријател, а пред пријателите ќе се радува поради него.

4Тов 9,6А кога умре неговиот татко, како и да не умрел; зашто сличен на себе ос­та­вил;

5Додека живеел, гледајќи го, со него се радувал, а на умирање не се натажил;

6Пс 126,5за непријателите тој одмаздник ос­тавил во него, а за пријателите – син што благодарен ќе им биде.

7Кој синот свој го милува – раните не­гови ќе ги лекува, а од секое негово оф­кање – срцето ќе му се потресува.

8Изреки 29,15Нескротен коњ останува див, а за­пуштен син – станува тврдоглав.

9Разгали го твоето дете, тоа ќе те вчудовиди; играј се со него и тоа ќе те ожалости.

10Не смеј се со него, за да не плачеш со него и најпосле и со заби да чкрташ.

11Не давај му слобода во младоста; грешките негови – не простувај му ги;

12свиткај му го вратот додека е мал, гмечи ги ребрата негови додека е млад, за да не биде бунтовен и непослушен.

13Воспитувај го синот свој и внимавај над него, за да не те огорчуваат него­ви­те непристојни постапки.

Здравјето

14Подобро е да си сиромав, здрав и силен, отколку богат – со истоштено тело.

15Изреки 3,15Здравјето и силата на телото пос­ка­пи се од злато, и крепко тело подобро е од неизмерно богатство,

16нема богатство поголемо од здравјето на телото, ниту радост поголема – од радоста на срцето.

17Јов 3,13; Тов 3,15Подобра е смртта од тажен живот и постојана болест.

18Посл 1,26Добри јадења принесени пред зат­во­рена уста – исто се што и јадењата ста­вени на гроб.

195 Мојс 4,28; Ис 40,20; Пс 114,4-7Зошто му се на идол жртви? Тој ни јаде ниту мириса:

20така е и со оној кого Господ го прогонува,

2120,4со очите гледа и воздивнува, па е сличен на скопец, кој девојка милува и воздивнува.

Прогонување на жалоста

22 14,16; 38,20; Проп 11,9-10 Не предавај се на жалоста, со мрач­ни мисли не измачувај се.

23Срце весело – живот е за човекот, а радоста – животот му го продолжува.

24Сакај ја својата душа, утешувај го своето срце; прогонувај ја жалоста;

25жа­лоста многумина убила, никаква корист од неа нема.

26Љубомората и гневот животот го скратуваат: грижите носат предвремена старост.

27Изреки 15,15Искреното и добро срце и за храната своја се грижи.