Сирахова 41 - Свето Писмо: Стандардна Библи?а 2006 (со девтероканонски книги)（MK2006D）

Смртта

1 Јов 14,1-2 О смрт, колку горчливо си спомнува за тебе оној, којшто задоволно живее на својот имот;

2човек што спокојно живее и напредува во сѐ и кој уште може да јаде и да пие!

3Јов 3,20-23; Тов 3,6О, смрт, твојата пресуда е утешна за оној што страда и што сили нема,

4за престарен и затрупан со грижи, за оној што загубил надеж и што трпение нема.

5Не плаши се од законот на смртта; спомни си за оние пред тебе и за оние што по тебе идат. Тоа е пресуда од Гос­пода за секое живо суштество.

61 Мојс 3,19; 6,3; Проп 6,6; 9,10Зошто се плашиш од она што на Севишниот Му е угодно? Живеел ти десет, сто или илјада години

7– во пеколот не се испитува дол­жината на животот.

Судбината на безбожниците

8 Ез 16,44 Децата на грешниците стануваат ужасни, со безбожници се дружат.

9Мудр 3,12Наследството на децата од греш­ни­ци на пропаст е осудено: потомството нивно вечно прекорувано ќе биде.

10Безбожниот татко децата негови го колнат, зошто поради него тие се из­ло­жени на бесчестие.

11Тешко вам, безбожници, зашто за­ко­нот на Севишниот Бог го оставивте!

12Кога сте се родиле, за проклетство сте родени, а кога ќе умрете – проклетство ќе наследите.

1340,11Сѐ што е од земја, во земја се враќа, а безбожниците од проклетство во про­паст ќе појдат.

Доброто име

14 10,17 Луѓето плачат по своите мртви, а на грешниците и недоброто име ќе им се избрише.

15Изреки 22,1; Проп 7,1Грижи се за твоето име; тоа останува подолго со тебе, отколку неброено злато.

1617,2; 37,25-26За деновите од добриот живот има број, а доброто име останува довека.

Што е срамно

17 20,30-31; Мт 5,14-16; 25,25 Пазете ги, деца, поуките мои во мир; каква е ползата од сокриена муд­рост и закопано богатство?

1820,31Подобар е оној што ја крие својата глупост од оној што својата мудрост ја крие.

194,21; 20,22-23И така, срамувајте се од она што ќе ви речам:

20не е добро од сѐ да се срамувате, ниту сѐ подеднакво се цени.

214,25; 7,12-13; 20,24Срамувајте се од блуд пред татко и мајка, а пред началник и господар – од лага;

22од злосторство пред судија и кнез; од беззаконие – пред собир и пред народ;

23од неправда – пред пријател и другар, а од кражба – пред соседите свои;

24пред вистината Божја и заветот, од потпирање лакти на трпеза, од измама при давање и земање;

259,3.6срамувај се да молчиш пред оние што те поздравуваат, срамувај се во развратна жена да гледаш и од сонародник лице да свртуваш;

269,8-9; Мт 5,28срамувај се да присвоиш туѓ дел и подарок, на туѓа жена да мислиш и на слугинката своја да ѝ се умил­куваш;

27не приближувај се до постелата нејзина;

28пред пријател од зборови срамни срамувај се; откако си подарил, не при­говарај;

2919,7-8; 22,22; 27,16-21Срамувај се да повторуваш и да ши­риш тајни гласови и туѓи тајни да от­криваш. Тогаш ќе бидеш вистински воспитан и кај секој човек милост ќе најдеш.