Естира 5 - Свето Писмо: Стандардна Библи?а 2006 (со девтероканонски книги)（MK2006D）

Естира пред царот

1 4,11 На третиот ден Естира, откако престана да се моли, ја соблече об­леката на жалоста, се облече по царски,

1а па откако се накити, Го повика Севи­децот Бог и Спасителот, зеде две слу­гинки, и на едната се потпираше, како да се галеше, а другата одеше по неа и ѝ ја придржуваше облеката нејзина.

1б Таа беше прекрасна во цутот на убавината своја, а лицето ѝ беше радосно, како да беше исполнето со љубов, но срцето ѝ беше свиткано од страв.

1в Таа застана пред внатрешниот двор на царскиот дом, пред домот на царот. А царот то­гаш седеше на својот царски престол во царскиот дом, токму спроти влезот на домот, облечен во полната облека на своето величие, целиот во злато и ска­поцени камења, и беше многу страшен. Кога царот виде дека царицата Естира стои во дворот, таа најде милост во очи­те негови.

1г Кога го сврте лицето свое, светнато од слава, тој погледна силно разгневен; и царицата премале, ја про­мени бојата на лицето од слабост и се потпре врз главата на слугинката што ја придржуваше.

1д И Бог го измени ду­хот на царот во кроткост, тој брзо стана од престолот свој и ја зеде во преграт­ките свои, додека таа да се соземе. Потоа тој ја утеши со умилни зборови и ѝ рече:

1ѓ „Што ти е, Естира? Јас сум твој брат! Закрепи се, нема да умреш, зашто нашата одредба е за обичните лу­ѓе; дојди!“

22,17И царот го подаде кон Естира злат­ни­­от жезол што беше во раката негова. Естира се приближи и го допре крајот на жезолот, а царот го стави жезолот на нејзиниот врат, ја бакна и рече: „Збо­рувај.“

2а Таа му рече: „Јас видов во те­бе, господаре, како ангел Божји, па срцето мое се вознемири од страв пред твојата слава, зашто ти си прекрасен, господаре, и лицето твое е исполнето со убавина.“ –

2б Но додека говореше, таа падна од премаленост; царот се возне­ми­ри, и сите слуги негови ја храбреа.

35,6; 7,2; 9,12; Мк 6,22-23Тогаш царот ѝ рече: „Што ти е, ца­рице Естира? Која е твојата молба? Ду­ри и половината од царството ќе ти би­де дадено.“

41,19; 3,9; 5,4.8; 7,3; 8,5; 9,13; 1 Езд 5,17; Неем 2,5Тогаш Естира рече: „Денес имам празник. Ако му е на царот угодно, не­ка дојде царот со Аман на гозба што сум му ја приготвила.“

5А царот рече: „Одете поскоро по Аман за да се исполни желбата на Ес­тира.“ И дојде царот со Аман на гозбата што ја беше приготвила Естира.

6И кога царот сакаше да пие вино, ја праша Естира: „Која ти е желбата? Таа ќе биде исполнета. И каква е твојата молба? Макар да бараш и половина царство, тоа ќе ти биде дадено.“

7Одговори Естира и рече: „Еве ја мо­јата желба и мојата молба:

8ако сум нашла милост во очите на царот и ако на царот му е мило да ја ис­полни желбата моја и да ја исполни мол­бата моја, тогаш нека дојде царот со Аман на гозба што ќе ја приготвам за нив и утре, па ќе постапам според цар­скиот збор.“

Аман подготвува бесилка за Мардохеј

9Тој ден Аман излезе весел и распо­ло­жен. Но кога Аман го виде Мардохеј при царската порта, и тој не стана и не се помести од местото пред него, Аман се исполни со гнев против Мардохеј.

10Но Аман сепак се воздржа. А кога дојде во домот свој, испрати да ги пови­каат неговите пријатели и неговата же­на Зереша.

11Аман им раскажа за големото свое богатство, за многуте свои синови и за сѐ она, како царот го возвеличил и како го воздигнал над кнезовите и слугите царски.

12И рече Аман: „Па и царицата Ести­ра никого не повика со царот на гозбата, што ја беше приготвила, освен мене; така и утре сум поканет кај неа со царот.

13Но сето тоа не ме задоволува додека го гледам Јудеецот Мардохеј како се­ди пред царската порта.“

14И му рече жената негова Зереша, и сите негови пријатели: „Нека приготват бесилка, висока педесет лакти, и утре кажи му на царот да го обеси Мардохеј на неа, и тогаш оди весело на гозбата со царот.“ Му се допаднаа на Аман тие зборови, и тој нареди бесилката да биде направена.