Исус Навин 14 - Свето Писмо: Стандардна Библи?а 2006 (со девтероканонски книги)（MK2006D）

Поделба на хананската земја

1 11,23; 4 Мојс 26,53 Еве што наследија синовите Израилеви во хананската земја, што им ја раздели свештеникот Елеазар и Исус синот Навинов, и родоначални­ците од племињата на Израилевите синови;

24 Мојс 26,55на деветте племиња и на половината од племето (Манасиево), поделба извр­шија со ждрепка, како што беше запо­ведал Господ преку Мојсеј,

313,14; 4 Мојс 34,14зашто на двете племиња и на по­ло­вина племе (Манасиево) Мојсеј им даде наследство од онаа страна на Јордан; а на левитите не им даде дел меѓу нив,

41 Мојс 41,51-52; 4 Мојс 35,2-3бидејќи од Јосифовите синови про­из­легоа две племиња: Манасиевото и Ефремовото; поради тоа не им се даде на левитите дел од земјата, туку само градови за живеење и предградија за нивниот добиток и за други нивни по­т­реби.

54 Мојс 34,13Како што му беше заповедал Господ на Мојсеј, така и направија синовите Израилеви, кога ја разделуваа земјата.

64 Мојс 13,8; 14,30; 5 Мојс 33,1Јудините синови дојдоа во Гилгал кај Исус. И му рече Халев, синот Јефунеов, од родот на Кеназ: „Ти зна­еш, што му говореше Господ на Мојсеј, човекот Божји, за мене и за тебе во Кадис-Барнеа.

74 Мојс 13,18-27Јас бев на четириесет години, кога Мојсеј, слугата Господов, ме прати од Кадис-Барнеа да ја разгледам земјата и му донесов одговор, она што ми беше на срцето;

84 Мојс 13–14браќата мои, кои одеа со мене, го обесхрабрија срцето на народот, но јас точно Го следев Господа, мојот Бог;

94 Мојс 14,24; 5 Мојс 1,36и се заколна Мојсеј во оној ден, велејќи: ‚земјата, по која одеше, ќе биде наследство за тебе и за децата твои за навек, бидејќи ти одеше точно по Господ, мојот Бог.‘

10И така, ете, Господ ме запази жив, како што говореше; четириесет и пет години веќе изминаа, откога Господ му ги беше кажал тие зборови на Мојсеј, и Израил одеше по пустина; сега, еве, јас сум на осумдесет и пет години;

11Сир 46,9но и сега сум толку цврст, како и тогаш, кога ме прати Мојсеј: колку што имав сила тогаш, толку имам и сега, да влегувам, да излегувам и да војувам.

124 Мојс 14,24; Суд 1,20Затоа, дај ми ја таа гора, за која го­во­реше Господ во оној ден; бидејќи ти чу во тој ден дека таму живеат Ана­ко­вите синови, и тие имаат градови големи и утврдени; можеби, Господ ќе биде со мене, и јас ќе ги истерам, како што ми рече Господ.“

1313,15Исус го благослови и му го даде во наследство Хеврон на Јефунеовиот син Халев, (од родот Кеназиевци).

14Затоа Хеврон остана и до денес во наследство на Јефунеовиот син Халев, од Кеназиевиот род, бидејќи постојано се покоруваше на заповедите од Господ, Израилевиот Бог.

151 Мојс 23,2Името на Хеврон порано беше Кир­јат-Арба, или град на Арба, како што се викаше еден крупен човек меѓу синовите Анакови. Така земјата се смири од војна.