Сирахова 24 - Свето Писмо: Стандардна Библи?а 2006 (со девтероканонски книги)（MK2006D）

ТРЕТА ЗБИРКА ОД ПОУКИПофалба на мудроста

1 Јов 28; Изреки 1,20-33; 9,1-6; Варух 3,9–4,4 Мудроста ќе се прослави; меѓу народот свој ќе биде пофалена.

2Во собирот на Севишниот устата своја ќе ја отвори и пред Неговите сили таа ќе се прослави:

31 Мојс 1,2; Изреки 2,6„Јас излегов од устата на Севишниот и како пареа ја покрив земјата;

41,1; 2 Мојс 13,21-22; Изреки 8,27во висините шатор раширив; прес­то­лот мој во столбот од облак го поставив;

5Јов 22,14; Изреки 8,27кругот небески го изминав, одев во длабините на бездната.

6Мојата власт е над морските брано­ви и над сета земја, над секој народ и племе.

7Почивка барав меѓу сите нив: во чие наследство да се вселам.

8Пс 131,8.13-14Тогаш Создателот на сѐ, Оној, Кој и мене ме создаде, ми посочи жи­ве­а­лиш­те спокојно и рече:

9‚Всели се кај Јаков, стани му наследство на Израил.‘

101 Мојс 1,1; Изреки 8,23; Јн 17,5Пред векови, во почетокот, Тој ме создаде, и нема да свршам довека.

1145,15Пред Него служев во светата ски­нија, а потоа на Сион се утврдив.

122 Мојс 15,17; Пс 47,1-2; 67,17; 131,14Тој спокој ми даде во саканиот град; во Ерусалим е мојата власт.

13Така се вкоренив во прославениот народ, во делот на Господа, во наследството Негово.

1450,10; Пс 36,35Израснав како кедар на Ливан и ка­ко кипарис на горите ермонски.

15Израснав како палма во Ен-Геди и како розова градина во Ерихон;

16како прекрасна маслина во рамнината и како јавор се извишив.

172 Мојс 30,7; 30,23-25.34; Изреки 7,17; Песна 1,13Мирис раширив како цимет и сла­домиризлив балзам; мирис благопријатен, распрснав како смирна избрана,

18ка­ко алаван, оникс и стактит и како мирис од темјан во скинијата.

19Како теревинт ги раширив моите гранки, а гранките мои се прекрасни – гранки на слава и благодат.

20Јас сум како лоза што благодат ра­ѓа, плод на слава и богатство се цвето­вите мои.

21Дојдете кај мене вие што ме сакате, наситете се со моите плодови;

22Пс 18,10споменот за мене посладок е од мед, Наследството мое – саќе е од мед.

23Јн 4,13-14Оние што ме јадат – погладни ќе би­дат, а оние што ме пијат – пожедни за мене ќе бидат.

24Пс 24,2Кој мене ме слуша – не се посрамува; кој со мене работи – никогаш не гре­ши.

Мудроста и законот Божји

25 2 Мојс 24,7; 5 Мојс 33,4; Пс 77,5; Варух 4,1 Сето ова е книга на заветот со Бога Севишен,

26законот што Мојсеј ни го даде за наследство на заедниците од Јаков.

271 Мојс 2,11Тој со мудрост е полн како реките Пишон и Тигар во пролетните денови;

28Ис.Н. 3,15тој со разум исполнува како Еуфрат и Јордан во време на жетва;

291 Мојс 2,13тој исполнува со поука како светлина и како Гион во време на гроздобер.

30Ер 2,8Првиот човек не ја позна докрај, не ќе ја доиспита ни последниот.

31Пс 118,96Мислите нејзини пошироки се од морето, а намерите подлабоки од бездна.

32Ис 58,11; Јн 4,14А јас сум како канал од река и како воден бран што влегува во градина.

33Ис 11,9; Ез 47,1-12; Јн 7,38И реков: ‚Градината моја ќе ја на­појам и леите цветни ќе ги наводнам.‘

34И ете, каналот мој стана река, а реката настана море.

35Пс 35,9Како светлина утринска учењето мое ќе светлее, надалеку ќе го по­ка­жам,

36како пророштво ќе го излијам, на идните родови ќе им го оставам.

3733,18Гледате: не само за себе се трудев, туку и за сите што мудроста ја бараат.“