Естира 10 - Свето Писмо: Стандардна Библи?а 2006 (со девтероканонски книги)（MK2006D）

Завршниот триумф на Мардохеј

1Потоа царот Ксеркс ѝ наметна данок на земјата и на морските острови.

23 Цар 15,23; 16,5.27; 22,46; 4 Цар 10,34; 14,15Сите дела на силата негова и моќта негова и подробниот приказ за големината на Мардохеј, со која царот ги воз­величи, се запишани во книгата за днев­ни белешки на мидиските и персиските цареви,

3како и тоа дека Јудеецот Мардохеј беше втор по царот Ксеркс, велик кај Јудејците и љубен од многу свои браќа, зашто му го мислеше доброто на својот народ и говореше за доброто на целото свое племе.

4а И рече Мардохеј: „Од Бога стана тоа,

4б зашто се сетив на сонот што го видов за тие настани; од него не остана ништо неисполнето.

4в Малиот извор стана река, и стана светлина и сонце и голема вода; таа река е Естира, која ца­рот ја зеде за своја жена и ја направи царица.

4г А двата змеја – тоа сме јас и Аман;

4д народите – тоа се тие што се беа заканиле да го истребат името на Јудејците,

4ѓ а мојот народ – тоа се Из­раилците, кои повикаа кон Бога и беа спасени. И го спаси Господ Својот на­род, и нѐ избави Господ од сите тие ло­шотии; направи Бог чуда и чудеса големи, какви што не станувале меѓу незна­бошците.

4е Така Бог устрои две ждрепки – едната за Божјиот народ, а другата – за сите незнабошци;

4ж и излегоа тие две ждрепки во час и време и во ден су­ден пред Бога и пред сите незнабошци.

4з И се сети Господ за Својот народ и ги оправда Своите наследници.

4ѕ Затоа ќе се празнуваат тие дни во месецот адар, во четиринаесеттиот и петнаесеттиот ден на тој месец, со свеченост, со радост и веселба пред Бога во вечни родови на народот Негов Израил.“

4и Во четвртата година од царувањето на Птоломеј и Клеопатра, Доситеј, кој, велат, бил свештеник и левит, и Птоломеј, син му, го донесоа во Александрија ова посла­ние за Пурим, кое, велат, го превел Лизимах, Птоломеев син, кој беше од Ерусалим.