Лука 13 - Свето Писмо: Стандардна Библи?а 2006 (со девтероканонски книги)（MK2006D）

Повик за покајување

1 Дела 5,37 Во истото време беа присутни и некои, кои Го известија за Гали­лејците, чија крв Пи­лат ја смешал со нивните жртви.

2Јн 9,2-3Исус им одговори и рече: „Мислите ли дека тие Галилејци биле најголемите грешници од сите Галилејци, па затоа така пострадаа?

3Пс 7,11-12Не, ви велам: но, ако не се покаете, сите така ќе изгинете!

4Или мислите дека оние осумнаесет души, врз кои падна Силоамската кула и ги уби, беа највиновни од си­те други што живеат во Ерусалим?

5Не, ви велам: но ако не се покаете, сите така ќе изгинете.“

Парабола за неплодната смоква

6 6,43-44; Мт 21,19 И ја кажа оваа парабола: „Некој чо­век имаше во своето лозје посадена ед­на смоква, па дојде да бара од неа род, но не најде.

7Мт 3,10; 7,19Тогаш му рече на лозарот: ‚Ете, три години доаѓам и барам плод на оваа смоква, и не наоѓам; пресечи ја; зошто само да ја испостува земјата.‘

82 Птр 3,9.15А тој му одговори и рече: ‚Гос­по­да­ре, остави ја и оваа година, додека да ја опкопам и ѝ ставам ѓубре;

9па, можеби ќе даде род; а ако не даде, то­гаш отпосле ќе ја пресечеш.‘“

Исцелувањето на згрчената жена

10 6,6 Во една од синагогите Тој по­у­чу­ва­ше во сабота.

11Мт 8,29.31И ете, беше таму една жена која имаше дух на немоќ веќе осумнаесет години. Таа беше згрчена и никако не можеше да се исправи;

12штом ја виде Исус, ја повика и ѝ ре­че: „Жено, ослободена си од немоќта своја.“

134,40; Мт 9,18И ги стави рацете Свои врз неа; и таа веднаш стана и Го славеше Бога.

146,7; 2 Мојс 20,9-10; 5 Мојс 5,13-14; Мт 12,1; Јн 5,16; 7,23; 9,14.16А старешината на синагогата, негодувајќи што ја излекува Исус во саботен ден, одговори и му рече на народот: „Има шест дена во кои треба да се работи; то­гаш доаѓајте и лекувајте се, а не во са­бо­та!“

1514,5; Мт 12,11Но Господ му одговори и рече: „Ли­цемере, не го одврзува ли секој својот вол, или магаре, од јаслите во саботен ден и не го води ли да го напои?

16А оваа ќерка Авраамова, што ја вр­зал сатаната еве веќе осумнаесет години, зарем не требаше да се ослободи од тие ланци во сабота?“

174,15И штом го рече ова, сите што беа против Него се засрамија; и целиот на­род се радуваше за сите славни дела из­вршени од Него.

Парабола за синаповото зрно(Мт 13,31-32; Мк 4,30-32)

18 Мт 3,2; 6,10 А Тој рече: „На што прилега цар­ството Божјо и со што да го споредам?

19Ез 17,23; 31,6; Пс 103,12; Дан 4,9.18Тоа е како синапово зрно, што го зема човек и го посадува во градината своја, каде што израстува и станува го­лемо дрво; па и птиците небески се вгнездуваат на неговите гранки.“

Споредба со квасецот(Мт 13,33)

20 1 Кор 5,6; Гал 5,9 И пак рече: „Со што да го споредам царството Божјо?

21Тоа прилега на квас што го зема жена и го става во три мери брашно, до­дека скисне сето.“

Тесната врата(Мт 7,13-14.21-23)

22 9,51; 17,11; 19,28 И по патот за Ерусалим минеше низ градови и села и поучуваше.

23Некој, пак, Му рече: „Господи, мал­ку ли се оние што ќе бидат спасени?“ А Тој рече:

2416,16; Мк 10,25„Потрудете се да влезете низ тесната врата; зашто ви велам: мнозина ќе сакат да влезат и не ќе можат.

25Мт 25,10-12Кога ќе стане домаќинот и ќе ја затвори вратата на куќата, а вие, сто­ејќи однадвор, ќе почнете да чукате и да викате: ‚Господи, Господи, отвори ни!‘ Тој ќе ви одговори и ќе ви рече: ‚Не ве познавам од каде сте!‘

26Тогаш ќе почнете да зборувате: ‚Ние јадевме пред Тебе и пиевме; и по нашите улици Ти поучуваше.‘

27Пс 6,10; 1 Мак 3,6А Тој ќе рече: ‚Ви велам: не ве познавам од каде сте; отстапете од Мене сите што вршите неправда!‘

2816,22; Мт 8,11-12Таму ќе настане плач и шкрипење со заби, кога ќе го видите Авраам, Исак и Јаков и сите пророци во царството Божјо, а себе – истерани надвор.

2914,15-24; 22,16.18.30; Ис 2,2-5; 25,6-8; 66,18-21; Пс 106,3И ќе дојдат од исток и запад, и се­вер и југ, и ќе седнат на трпезата во царството Божјо.

30Мт 19,30; 20,16; Мк 10,31И така, има последни што ќе бидат први, а има и први што ќе бидат последни.“

Исус и Ерусалим(Мт 23,37-39)

31 14,1 Во тој ден пристапија некои фа­рисеи и Му рекоа: „Излези и оди си одовде, зашто Ирод сака да Те убие!“

32И им рече: „Одете и кажете ѝ на таа лисица: еве, истерувам демони и ис­целувам денес и утре – а на трети­от ден ќе завршам;

332,38; Мт 16,14но Јас треба да врвам денес, утре и задутре, бидејќи не може пророк да загине надвор од Ерусалим.

34Ерусалиме, Ерусалиме, ти што ги убиваш пророците и ги каменуваш пратените кај тебе. Колку­пати сакав да ги соберам чедата твои како што квачка ги собира пилињата свои под крилја, но не сакавте.

3519,38; 21,6; Ер 7,1-15.26; 12,7; 22,5; Ез 8–11; Мих 3,12; Пс 68,25; 117,26; Мт 21,9И ете, ви се остава пуст вашиот дом. И Јас ви велам дека нема да Ме ви­дите сѐ додека не дојде времето да ка­жете: ‚Благословен е Оној Кој доаѓа во името Господово!‘“