Јудита 9 - Свето Писмо: Стандардна Библи?а 2006 (со девтероканонски книги)（MK2006D）

Молитвата на Јудита

1 2 Мојс 30,8; Дан 9,3 Тогаш Јудита падна ничкум, си ја посипа главата со пепел и го фрли вреќиштето од себеси што го носеше. И токму тогаш, кога во Ерусалим, во до­мот на Господ, кадеа со вечерен темјан, таа, пак, извика со висок глас кон Гос­под и рече:

21 Мојс 34,7; 2 Мојс 15,2„Господи, Боже на мојот татко Си­меон, чија рака Ти ја вооружи со меч да им се одмазди на туѓинците, кои заради срам беа соблекле една девојка, ѝ ги разголија бедрата и ја осквернија утро­ба­та нејзина за срам. Ти рече дека тоа не смеат да го направат, но сепак тие го направија.

32 Мојс 12,29; Ис 24,2; Мудр 18,11Затоа ги предаде нивните кнезови да бидат заклани. Постелата нивна што ја виде измамата нивна – ја облеа со крв. Ти удри по робовите и господарите; уд­ри по владетелите на нивните престоли.

4Нивните жени на грабеж ги предаде и ќерките во ропство, а сиот грабеж им го даде на синовите возљубени од Тебе, кои ревнуваа со Твојата ревност, се од­вратија од нечистотијата на нивната крв и на помош Тебе Те повикаа. О, Боже, Боже мој, послушај ме мене, вдовицата!

5Ис 46,10; 48,3; Пс 32,11Ти си го направил и она што беше пред тоа, а на ум го имаш и сегашното и идното; што си намислил – тоа и ста­нува.

6Варух 3,35Тоа што си го намислил, тоа и се ја­вува, велејќи: ‚Еве, ме!‘ Сите Твои патишта се подготвени, а Твоите одлуки се предвидени од Тебе.

71 Цар 17,45; 4 Цар 19,23-24; Пс 19,7; 2 Мак 8,18Еве, Асирците се намножија во својата сила, се гордеат со своите коњи и со коњаниците, се гордеат со силните раце на пешаците; се надеваат на шти­тот, копјето, лакот и праќата, а не знаат дека Ти си Господ, Кој ги уништува војните.

82 Мојс 15,3; Авак 3,12; Пс 78,1; 2 Мак 14,33Името Твое е Господ. Скрши им ја нивната сила со Твојата моќ, уништи ја нивната сила со гневот Твој, зашто наумија да го осквернат Твоето свети­лиш­те, да се подбијат со мирното живе­а­лиште, каде живее Твоето преславно име: со железо да го скршат рогот на Твојот жртвеник.

92 Мојс 15,7; Ис 10,12Види ја нивната надуеност, а гневот Твој прати го врз нивните глави, а на мојата вдовичка рака дај ѝ сила да го направам она што сум го намислила.

1013,15; 14,18; 16,5; Суд 4,9.17-22; 9,53-54Со устата на мојата итрина порази го слугата заедно со водачот, а водачот заедно со неговиот слуга. Скрши ја нивната гордост со раката на една жена.

111 Цар 14,6; 1 Мак 3,18Зашто Твојата сила не е во множес­твото, ниту во моќните е Твојата моќ; Ти си Бог на понизните. Ти си помош­ник на безначајните, застапник на не­моќните, покровител – на напуштените и спасител на безнадежните.

12Пс 102,19; Неем 9,6Боже на мојот татко, Боже на нас­ледството Израилево, Господаре на не­бото и на земјата, Создателе на водите, Царе на секое Твое создание! Послушај ја молитвата моја!

13Зборот мој, и итрината моја, на­пра­ви ги рана за оние што намислиле стра­во­тии против Твојот завет, против Тво­јот свет дом, против Сион и против до­мот на Твоите синови.

143 Цар 18,37; 4 Цар 19,19; 1 Мак 4,11Вразуми го сиот Твој народ и секое племе за да видат дека Ти си Бог, Бог на секаква сила и крепост и дека Израил нема друг заштитник освен Тебе.“