Сирахова 13 - Свето Писмо: Стандардна Библи?а 2006 (со девтероканонски книги)（MK2006D）

Опасни дружења

1 1 Кор 15,33 Кој катран допира, од него ќе се извалка; кој со горделиви се дру­жи, ќе стане како нив.

2Не подигнувај тежина поголема од твоите сили и не другарувај со посилен и побогат од тебе.

3Изреки 18,24Што заедничко има меѓу грне и ко­тел? Котелот ќе го турне и тоа ќе се скрши.

4Богатиот навредил, и пак тој се за­канува; сиромавиот навреден и пак тој се моли.

5Ако си му од корист, тој ќе те ко­рис­ти; кога, пак, осиромашиш – тој ќе те остави.

6Ако си богат, ќе живее со тебе; ќе те ограби и нема да те сожали.

7Изреки 23,1-3Кога си му потребен, тој ќе ти ласка, ќе ти се насмевнува и надеж ќе ти дава; зборови слатки ќе ти зборува и ќе те прашува: „Ти треба ли нешто?“

8Со гозбите свои тој ќе те посрами сѐ додека трипати не те ограби и најпосле не се подбие со тебе.

9А потоа, кога ќе те сретне, ќе бега од тебе, глава ќе свртува – кога ќе те ви­ди.

10Лк 14,7-9Внимавај да не бидеш измамен и

11понижен во твојата радост.

12Те кани ли силен, бегај од него – и уште повеќе ќе те кани.

13Не натрапувај се, за да не бидеш отфрлен и не стој многу настрана, за да не те заборават.

14Не говори со него како со еднаков, не верувај му на неговите многу збо­ро­ви; во долгиот разговор ќе те искушува, и божем шегувајќи се, ќе те испитува.

15Немилосрден кон себеси е оној што не се воздржува од своите зборови; тој нема да се запази ни од навреди ниту од вериги.

16Пази се и биди внимателен, бидејќи со својата гибел чекориш.

17Ис 11,6; Мт 10,16; Лк 10,3Го чуеш ли тоа во сонот свој, не зас­пивај.

18Љуби Го Господа додека си жив и викај кон Него – за да се спасиш.

Богатите и сиромашните

19 Јов 24,1-11; Јк 2,6; 5,4.6 Секое создание родот свој го сака, а човекот – ближниот свој.

20Секоја плот со родот свој се соединува и човекот се прилепува кон слич­ни­те на себе.

21Изреки 19,4.7Има ли дружба меѓу јагне и волк? Затоа и побожниот не другарува со грешник.

22Изреки 14,20; Проп 9,15-16Можен ли е мир меѓу хиена и куче? И има ли мир меѓу богат и сиромав?

23Ис 14,14; Пс 35,5; 57,11; Јов 12,5; 20,6; 29,9-10.21Дивите магариња во пустината за лавовите се плен, а сиромасите за бога­тите.

24Мт 13,22; Мк 10,23-24На горделивиот понизноста му е одвратна; и сиромавиот на богатиот му е одвратен.

25Изреки 15,13Кога богат се сопнува, пријатели го придржуваат; а кога сиромавиот паѓа и пријателите го оставаат.

26Проп 8,1; 12,12Кога богат во заблуда падне, многу помошници има; ако и глупост рече, не го прекоруваат.

27А падне ли сиромав, се подбиваат со него; каже ли нешто разумно, не го ни слушаат.

28Кога богат говори, сите молкнува­ат; зборовите негови до небо ги фалат.

29А кога сиромав говори, сите се пра­шуваат: „А кој е овој.“ Ако се сопне, сосем го турнуваат.

30Добро е она богатство во кое грев нема; сиромаштијата е лоша во устата на безбожниот.

31Срцето на човекот му го менува ли­цето: или на добро или на лошо.

32Веселото лице е знак на честито ср­це; измислување мудри изреки – бара труд.