1Upéi ahecha ambue yvága rembiguái mbarete oguejýva yvágagui arai apytépe, iñakã ári oĩ pe árco de Noe (jy’y) hova omimbi kuarahýicha ha ipykuéra tata oñembo’yetévaicha.
2Ha ipópe oguereko peteĩ kuatiañe’ẽ michĩ jepe’apyréva. Ha ipy akatúa omoĩ yguasu ári, ha ipy asu yvy ári,
3ha’e osapukái ñe’ẽpuguasúpe leõ okororõvaicha, ha péicha osapukáivo umi 7 arasunu ombohasa iñe’ẽpu.
4Oñe’ẽ rire umi 7 arasunu che ahaise iñe’ẽnguéra peteĩ kuatiañe’ẽme, upérõ ahendu peteĩ oñe’ẽva yvágagui ha he’íva chéve: Ani reikuaauka avavépe umi arasunu he’iva’ekue, eñongatu porã uvei ha anítei rehai peteĩ kuatiañe’ẽme.
5Upéi pe yvága rembiguái ahecháva ha oñembo’ýva yguasu ha yvy ári, omopu’ã ipo akatúa yvága gotýo,
6ha ome’ẽ iñe’ẽ (juraménto) pe Oikovéva tapia g̃uarãva rérape, ojapova’ekue pe yvága ha oĩva guive ipype, pe yvy ha oĩva guive ipype, pe yguasu ha oĩva guive ipype, ha he’i Ñanderuete poriahuvereko arakuéra opava’erãha.
7Upe ára upéva pe yvága rembiguái 7-ha ombopu ramo ituru oikopáta Ñanderuete mba’e ñemimby (secréto), Ha’e oikuaauka haguéicha hembiguái profetakuéra rupi.
8Ha pe ñe’ẽ ahendúva yvágaguio, oñe’ẽ jevy chendive ha he’i: Tereho erecibi pe kuatiañe’ẽ michĩva ojepe’áva pe yvága rembiguái pógui, oñembo’ýva yguasu ha yvy ári,
9ha che, Juan, aha pe yvága rembiguái rendápe ha ajerure ichupe ome’ẽ hag̃ua chéve pe kuatiañe’ẽ michĩva, ha ha’e he’i chéve: Kóina, he’u katu, he’ẽta eíraicha nde jurúpe, nde py’ápe katu iróta.
10Ha arecibi pe kuatiañe’ẽ’i pe yvága rembiguái pógui, ha amoingévo che jurúpe he’ẽ eíraicha, ha amokõmba rire katu iro che py’ápe.
11Upérõ oje’e chéve: Nde reprofetiza jevyva’erã Ñanderuete ñe’ẽ tribukuéra rehe, tetãnguéra rehe, ñe’ẽnguéra rehe ha tetã ruvichakuéra rehe g̃uarã.
Who We AreWhat We EelieveWhat We Do
2025 by iamachristian.org,Inc All rights reserved.
