1Nde, che Ruete, che py’aite guive romomba’eguasu ha amombe’úta opaite ne milagrokuéra.
2Avy’aite ha torypópe agueropurahéi nde reraguasuete.
3Cherehe ija’e’ỹva okañymba, ho’a hikuái ha omanomba ne renondépe.
4Ha nde guapyhaguasu guive Nde chembojovake hekoitépe.
5Nde reja’o umi tetãme, rehundi iñañávape ha tapia g̃uarã remboje’o herakuéra.
6Umi nderehe ija’e’ỹva omanombáma, oñehundipáma hikuái tapia g̃uarã, ha itáva Nde reitypava’ekue, avavéma ndogueromandu’aveimava’erã.
7Ñanderuete katu oiko tapia g̃uarã, iguapyhaguasu oñemoĩma oporombojovake hag̃ua.
8Ha’e oisãmbyhy ko yvy justíciape ha hekoitépe omyakã tetãnguérape.
9Upéicha Ñanderuete omo’ã umi ojejopývape, Ha’e ningo iñemo’ãha renda jepy’apy vaiha árape g̃uarã.
10Upévare umi oikuaáva nde réra ojerovia nderehe, Nde, ore Ruete, nderepoírigui umi nderekávagui.
11Pepurahéi Ñanderuetépe, opaite peikóva guive Siónpe, ha pemombe’u tetãnguérape Ñanderuete rembiapo porãita.
12Ha’e imandu’áta omyengovia hag̃ua pe tuguy oñeñohẽ reiva’ekue, ndahesaráiri umi ohasa asyetévagui mba’embyasýgui.
13Cheporiahuverekomína, che Ruete, ema’ẽmína che mba’embyasy ahasáva rehe umi cherehe ija’e’ỹva rupi, Nde cherenohẽ ñemano rokẽnguéragui.
14Ikatu hag̃uáicha che amombe’u opaite Jerusalenguápe nde reko mba’e guasueteha, ha chepy’arory hag̃ua ne ñepytyvõ rehe.
15Umi tetã ho’áma ijyvykuápe, ha’ekuéra voi ojo’ova’ekue; ipykuéra opa’ã iñuhãteépe, ha’ekuéra voi ombosako’iva’ekuépe.
16Ñanderuete ojekuaauka, Ha’e oporombojovake ha oapresa umi heko vaívape. Selah
17Iñañáva ojeguerahapáta omanóva retãme, opaite umi hesaráiva guive Ñanderuetégui.
18Ñanderuete ndahesaraimo’ãi tapia g̃uarã imboriahúvagui, ha umía noha’ãrõ reímo’ãi tapia g̃uarã.
19Epu’ãmína, Nde, ore Ruete, anítei yvyariguakuéra oñembotuicha ne renondépe; toñembojovake uvei umívape ne renondépe.
20Nde, che Ruete, emongyhyje ichupekuéra, toikuaa umi tetãyguakuéra yvyariguanteha. Selah
Who We AreWhat We EelieveWhat We Do
2025 by iamachristian.org,Inc All rights reserved.
