1Josafat, Juda retã ruvicha, og̃uahẽ porã jevy hóga Jerusalen peguápe.
2Jehu, Hanani ra’y, osẽ ojejohu hag̃ua Josafat ndive, ha he’i ichupe: Mba’érehepa reipytyvõ iñañávape, ha rehayhu pe opoívape Ñanderuetégui, upévare Ha’e ipochy nendive.
3Ojejohu katu ndepype mba’eporã reipe’águi Juda retãgui umi Asera ra’ãngakuéra, ha rembosako’ígui nde py’apy reheka hag̃ua Ñanderuetépe.
Josafat omoĩ mbojovakeharakuéra4Josafat oiko Jerusalénpe, ha ojere jerénte ha osẽ Juda retã rupi, Beerséba guive Efrain cérro peve, ha ohekombo’e hetãyguakuérape ohayhu hag̃ua Ñanderuete, ituvakuéra Járape.
5Ha omoĩ mbojovakehára opaite Juda táva oñemongorapyrévape.
6Ha he’i umi mbojovakehárape: Pema’ẽke pene rembiaporã rehe; ndapeporombojovakemo’ãi yvyariguakuéra rérape, Ñanderuete rérape katu, Ha’e oĩta penendive pembojovake hag̃ua hekoitépe.
7Toĩ pendepype Ñanderuete kyhyje; pema’ẽke pene rembiaporã rehe, Ñanderuete ndojavýi ombojovake ramo ha Ha’e nombojuavýi tapichakuéra apytégui, ha noñembopopegua ñemiriva’erã.
8Josafat ou jevy rire Jerusalénpe omoĩ avei Leviguakuéra, pa’ikuéra ha umi ogaguasu ruvichakuéra Jerusalénpe oporombojovake hag̃ua Ñanderuete rérape,
9Ha he’i ichupekuéra: Peẽ peikova’erã avei Ñanderuete kyhyjépe, añeteguápe ha py’a potĩpópe.
10Pembojovake porã oimeraẽva pene pehẽnguekuérape oúva guive pene rendápe ha oikóva Juda tavakuéra rupi, taha’e tuguy ñeñohẽre, taha’e tembiapoukapýre, térã ñe’ẽ oje’eva’ekue ojapo hag̃ua rehe, pembojovakeva’erã hekoitépe, ani hag̃ua peñemoangaipa Ñanderuete ndive, ha anítei ou pende ári ha pene pehẽnguekuéra ári Ñanderuete pochy. Péicha pejapo ramo napeneñemoangaipamo’ãi.
11Péina ápe pa’i Amarías penemoakãta opaite Ñanderuete mba’épe. Ha Zebadías, Ismael ra’y, Juda róga ruvicha oiko, opaite mba’e tetã ruvicha mba’épe. Ha Leviguakuéra penepytyvõta kuatia haihára ramo. Peñeha’ãke pejapo porãmba hag̃ua, Ñanderuete oikógui hekopotĩva ndive.
Who We AreWhat We EelieveWhat We Do
2025 by iamachristian.org,Inc All rights reserved.
