1Chepy’arory oje’évo chéve: Jaha katu Ñanderuete rogaguasúpe.
2Nde Jerusalen, roñembo’ýma ne rokẽme.
3Jerusalen, peteĩ táva, oñemopu’ã porãiteva’ekue, upépe oñembyatypa nderayhúva guive.
4Upépe ohopa umi Israel tribukuéra, Jahve tríbu, peteĩ atyguasu Israélpe g̃uarã, omomba’eguasu hag̃ua Ñanderuete réra.
5Upépe oguapyva’ekue David ha iñemoñarenguéra iguapyhaguasúpe ombojovake hag̃ua hetãyguakuérape.
6Pejerure Jerusalen toiko py’aguapýpe, pejévo: Toñemopu’ã poty umi ohayhúva Ñanderuetépe.
7Toĩ py’aguapy nde korapýpe, ha taipy’aguapy avei opaite mburuvicha guasu hogayguakuéra ndive.
8Che ryvykuéra ha che irũnguéra rayhupápe ha’éta che: Jerusalen ryepýpe toĩ py’aguapy.
9Ore Ruete, ore Jára róga rehehápe, ajerure ndéve g̃uarã tojehovasave ohóvo nde rekove.
Who We AreWhat We EelieveWhat We Do
2025 by iamachristian.org,Inc All rights reserved.
