1Upévare jakyhyjéke, oĩ aja gueteri pe promésa, ani hag̃ua japoi Ñanderuete rapégui, ỹrõ ndajaikemo’ãi avei ipytu’uha rendápe (ha yvágape Ñanderuete retãguasúpe), hi’ã chéve oĩ pene mbytépe avei umi opytáva tapykuépe.
2Ñandéve oñemombe’u avei pe salvacion rape ichupekuéraicha. Ha’ekuéra naiñe’ẽrendúigui ha ndojeroviáigui pe promésa opyta reipa ichupekuéra g̃uarã.
3Ñande katu jajeroviágui jaike Ñanderuete pytu’uha rendápe, Ha’e he’i haguéicha ikuatiañe’ẽme: Upévare chepochy ha ame’ẽ che ñe’ẽ, ha’évo: Ha’ekuéra ndoikemo’ãi che pytu’uha rendápe, Che apytu’u haguéicha avei, ajapopa ramoguare ko yvy ha opaite mba’e oĩva guive ipype, (Salmokuéra 95,11).
4He’i ningo avei: Ñanderuete opytu’u pe ára 7-hápe opa ramoguare hembiapo, (Génesis 2,2),
5ha he’ive katu: Ha’ekuéra araka’eve ndoikemo’ãi che pytu’uha rendápe, (Salmokuéra 95,11).
6Upéicha ramo jaikuaa oĩha umi oikétava ipytu’uha rendápe, ñande ypykuéra katu naiñe’ẽrendúigui ndoikemo’ãi ipytu’uha rendápe.
7Upévare Ñanderuete omoĩ jevy peteĩ ára, ha he’iuka David rupi: Ko árape, hetaite ára rire, pehendúrõ Ñanderuete ñe’ẽ, ani peñembopy’ahatã, (Salmokuéra 95,7-11).
8Josue ome’ẽ rire ichupekuéra pe pytu’u, Ñanderuete noñe’ẽveiva’erãmo’ã ambue ára rehe.
9Upéicharamo opyta gueteri ambue sábado Ñanderuete retãyguakuérape opytu’u hag̃ua.
10Upe oikéva Ñanderuete pytu’uha rendápe, upéva opytu’u avei hembiapokuégui, Ñanderuete opytu’u haguéicha hembiapokuégui.
11Ñañeha’ãke upéicharamo jaike hag̃ua Ñanderuete pytu’uha rendápe, anítei avave ho’a, ho’a haguéicha umi naiñe’ẽrenduiva’ekue.
12Ñanderuete ñe’ẽ oikove, ipu’aka ha hakuave opaite kyse haimbe jováivagui, ha oike ánga ha pytu porã pa’ũ meve, omboja’o peve kangue joajuha ha karaku, ombojovake hag̃ua avei ñane pensamientokuéra ha ñande py’apy rembipota.
13Ndaipóri yvyarigua Ñanderuete ohecha’ỹva, oimeraẽva uvei ijopívo ha ojehechaukava’erã hesa renondépe, Ha’e ombojovakeha árape.
Hesu Crísto, pe pa’iguasu14Ñande jareko peteĩ pa’iguasu ndetuicháva oikeva’ekue yvágape, Hesu Crísto, Ñanderuete Ra’y, upévare jajerovia hatãkena hese.
15Jaguereko ningo peteĩ pa’iguasu oñembyasyvahína ñanekangy ramo. Ha’e voi ohasava’ekue avei opaite umi jepy’ara’ã ñande jahasavañaína, upéicharamo jepe Ha’e ndo’aiva’ekue angaipápe,
16upévare ñag̃uahẽ jeroviapópe iguapyhaguasúpe, jahupity hag̃ua iporiahuvereko ha jajohu hag̃ua ipy’aporã, Ha’e ñanepytyvõ hag̃ua ñaikotevẽha árape.
Who We AreWhat We EelieveWhat We Do
2025 by iamachristian.org,Inc All rights reserved.
