1Ehendumína, Nde, ore Ruete, che mba’ejerure asy, che ñembo’e rehe ejapysakamína.
2Pe yvy apýra guive amba’ejerure asýta ndéve, che py’a ikangypáma. Cheguerahamína upe itaguasu ijyvatevéva ári.
3Nde voi ha’égui che mo’ãhára ha che róga yvate mbarete cherehe ija’e’ỹva renondépe.
4Taiko opaite árape Nde rekohápe, kyhyje’ỹme aiméta nde pepo guýpe. Selah
5Nde ningo, ore Ruete, rehendúva che ñe’ẽme’ẽ, reme’ẽ chéve che mba’erã, reme’ẽse háicha oimeraẽvape, okyhyjéva guive nde réra porãitégui.
6Embopukumive rehóvo pe tetã ruvicha rekove arakuéra ha hekove tahi’areite.
7Toisãmbyhy ha’e tapia g̃uarã hetãme ore Ruete renondépe ha nde poriahuvereko ha añetegua toñangareko hese.
8Péicha ramo agueropurahéita nde réra opaite árape ha katuete ajapopáta che ha’emava’ekue ajapotaha ndéve g̃uarã, (voto, promesa).
Who We AreWhat We EelieveWhat We Do
2025 by iamachristian.org,Inc All rights reserved.