Salmokuéra 101 - Biblia en Guaraní - ?anderuete ?e’? Por? 2015

Mburuvichaguasu ñe’ẽme’ẽ (promésa) - David purahéi

1Che Ruete, nde poriahuvereko ha ne mbojovake hekoite pegua agueropurahéita.

2Añeha’ãmbáta aguata porã nde rape porã rehe. Aikose py’apyñe’ẽ potĩme che róga ryepýpe.

3Che resakuéra noma’ẽmo’ãi mba’evai rehe. Amboyke iñañáva rembiapo, umía ndive ndahamo’ãi ni nañembojamo’ãi hesekuéra.

4Tekove vai oñemboyke’arã chehegui, ndaikuaaséi pe tembiapo vai.

5Umi ñemiháme omoherakuãva mba’e hapichápe che ahundíta, ha umi oñembotuicháva ha ojejapóvape ndahechaséi.

6Che resakuéra oma’ẽta umi heko potĩva ha oikóva rehe che retãme, ahenóita ichupekuéra oiko hag̃ua chendive. Umi oguata porãva Ñanderuete rapére, umívante oikóta che rembiguái ramo.

7Ndoikomo’ãi che rogapýpe umi oporomondáva, ha upe ijapúva ndopytamo’ãi che resakuéra renondépe.

8Pyhareve ahavira meméta umi heko vaívape che retãme oikóva guive, ahundipa hag̃ua umi tekove ñaña oikóva guive Jerusalen, Ñanderuete távape.