1Juda retãme ojekuaa porãma Ñanderuetépe, ha Israel retãme oñemoherakuã porã ichupe.
2Jerusalen ryepýpe oñemopu’ãva’ekue hóga jojohuha ha Siónpe hendag̃ua.
3Upépe Ñanderuete omopẽ ihu’ykuéra, hete mo’ãhakuéra, ikyse pukukuéra ha ambue ñorãirõ rembiporukuéra. Selah
4Nde pu’aka ojajái mbarete ha ituichave umi cérrogui.
5Umi ipy’aguasúvagui ojepe’apa iñorãirõ rembiporu oguerekóva guive, ha ho’áta oke hag̃ua ike ñemano megua, ha umi imbarete porãva katu ndohupikuaavéima ijyvakuéra.
6Nde, Jacóbo Jára, reñe’ẽ pohýi ramo, ikavajukuéra ha hi’ariguakuéra ndaikatuvéima oku’e mamove gotýo.
7Ndehegui voínte okyhyje hikuái, ha máva piko oñembo’ykuaa gueteri ndepochy jave.
8Yvagakuéragui reikuaauka ne mbojovake, ha pe yvy oñemondýi ha kirirĩháme opyta.
9Nde, ore Ruete, repu’ã reporombojovake ha reguenohẽ hag̃ua opaite yvyarigua ijejopy vaígui oĩva guive ko yvy apére. Selah
10Opaite yvyarigua oñemoĩva guive nderehe ohecháta itavyha, ha umi hembýva nemomba’eguasúta.
11Pejapo hekoitépe pene ñe’ẽme’ẽ, ha mayma tetã peiméva guive (Israel) jerekue rehe, pegueru pene kuave’ẽmby pe Oporomongyhyjévape g̃uarã.
12Ha’e ombogueva’erã mburuvichakuéra oñembotuichávape ha opaite tetã ruvicha yvy apére oĩva guive okyhyjeva’erã ichugui.
Who We AreWhat We EelieveWhat We Do
2025 by iamachristian.org,Inc All rights reserved.
