Salmokuéra 120 - Biblia en Guaraní - ?anderuete ?e’? Por? 2015

Ñembo’e (ojekyhyjégui umi juru ijapúvagui)

1Che Ruetépe amba’ejerure asy ajepy’apy vai jave, ha Ha’e chembohovái.

2Nde, che Ruete, ani reheja che ha’a umi juru ijapúva ha oporombotavýva pópe.

3Nde, juru ijapúva ha reporombotavýva, mba’épa Ñanderuete ombosako’íta ne renonderãme.

4 Soldádo py’aguasu hu’y akua oñemohãimbe’éva jepe’a rata rendýpe.

5Che añembyasyete aiko haguére mbohupa ramo Mesécpe, Cedar rogakuéra apytépe.

6Heta árama che aiko umi tekove vai apytépe, ohayhu’ỹva py’aguapy.

7Py’aguapy ningo che ahayhu, ha’ekuéra katu, oñorãirõsénte, che añe’ẽ jave.