1Ha ojehu pe áñope, Sedequías, Juda retã ruvicha oisãmbyhy aja irundyha áñope, jasy 5-hápe, Hananías, Azur ra’y, pe Gabaon pegua proféta, oñe’ẽ chéve Ñanderuete rógape umi pa’i ha tetãyguakuéra rovake, ha he’i:
2Péicha he’i Yvága Atykuéra Jára, Israel Jára: Amopẽta Babilónia retã ruvicha cangálla.
3Ko’águi mokõi añohápe aguerukapa jevýta ko’ápe Ñanderuete róga rembiporukuéra, Nabucodonosor, Babilónia retã ruvicha, oguerahava’ekue ko’águi Babilónia retãme.
4Ha Che agueruka jevýta ko’ápe Jeconías, Joacim ra’ýpe, Juda retã ruvicha ha Judayguakuéra ojeguerahava’ekue ha oikóva Babilóniape, he’i pende Ruete; Che amopẽtagui Babilónia retã ruvicha cangálla.
5Upéramo proféta Jeremías he’i pe proféta Hananíaspe, umi pa’i ha maymaite tetãygua renondépe oĩva guive Ñanderuete rogaguasúpe.
6Ha pe proféta Jeremías he’i: Taupéicha, péicha tojapo Ñanderuete. Ñanderuete tomoañete ne ñe’ẽ, nde remomaranduva’ekue ha ere: Hogaguasu rembiporu ha umi tetãygua ojeguerahava’ekue guive oupa jevýta Babilóniagui ko táva kóvape.
7Upeichavéramo jepe, ehendu ko che ha’étava ndéve ha opaite tetãyguakuéra apysápe:
8Umi proféta che mboyve ha nde mboyveguare, umi ára ohasava’ekuépe, omomarandúmi ñorãirõ, jepy’apy ha mba’asy iñasãiva heta tetã rehe ha tetãguasu ndetuicháva rehe.
9Pe proféta omomarandúva py’aguapy, ikatu jajerovia iñe’ẽngue rehe oikopa rire ha ndoikói ramo ojekuaa porã ndoúi hague Ñanderuetégui.
10Upéramo pe proféta Hananías oipe’a pe cangálla, proféta Jeremías atúa árigui, ha omopẽ.
11Ha Hananías oñe’ẽ opaite tetãygua rovake he’ívo: Ñanderuete he’i: Peichaite amopẽta avei Nabucodonosor, Babilónia retã ruvichaguasu cangálla opaite tetãnguéra atúa árigui, ko’águi mokõi áño haguépe. Ha Jeremías oho jevy hape rehe.
12Pe proféta Hananías omopẽ riréma pe cangálla oĩva’ekue proféta Jeremías atúa ári, ou jevy Ñanderuete ñe’ẽ Jeremíaspe, ha he’i:
13Tereho ha eñe’ẽ Hananíaspe, ha ere: Péicha he’i pende Ruete, peteĩ cangálla yvyraguiguáva nde remopẽva’ekue. Hekovia katu Che ajapóta peteĩ cangálla hierroguiguáva.
14Péicha he’ígui Yvága Atykuéra Jára, Israel Jára: Pe cangálla hierroguiguáva amoĩta mayma ko’ã tetãygua atúa ári, oiko hag̃ua hikuái Nabucodonosor, Babilónia retã ruvichaguasu, rembiguái ramo; ha umi mymba ñu rupigua jepeve ame’ẽmba ichupe.
15Upéramo Jeremías he’i Hananíaspe: Ejapysaka porãke nde, Hananías, Ñanderuete nandejokuáiri, ha nde rembojerovia ko’ã tetãyguápe nde japu rehe.
16Upévare Ñanderuete he’iuka ndéve: Eikuaa porãke, Che roipe’áta ko yvy ape árigui. Remanóta katuete avei ko áño kóvape ndejapu haguére Ñanderuete rérape reikóvo.
17Ha Hananías omano pe áñope, pe jasy 7 hápe.
Who We AreWhat We EelieveWhat We Do
2025 by iamachristian.org,Inc All rights reserved.
