1Peẽ Ñanderuete ra’ykuéra (angelkuéra), pemomba’eguasu ichupe, peẽ Ipu’akapáva ra’ykuéra, pemboetéke Ñanderuetépe, heko jajái ningo ituichaite ha Ha’e ipu’akapa.
2Pemomba’eguasúke Ñanderuete réra, peñembo’éke Nanderuetépe pende reko potĩ reheve.
3Ñanderuete osunu, iñe’ẽ hyapu yguasu apére, Ñanderuete aratiri ohasa yguasu apére.
4Ñanderuete oity pe aratiri ha pe aravera, ohechauka Ha’e ipu’akapaha.
5Hi’aratiri ojoka umi cédro, Ñanderuete voi omopẽ umi cédro Líbano pegua.
6Ha’e ombopopo umi cédrope ku vaka ra’ýicha, pe Líbano ha Hermon Ha’e ombopopo ku tóro saite ra’yrusúicha.
7Ñanderuete omosarambi hata opárupi.
8Ñanderuete arasunu omboryrýi pe ñuguasu, Ñanderuete omboryrýi pe ñuguasu Cades pegua.
9Ñanderuete arasunu omomemby pe guasu kuñáme, hi’aratiri ohakã’o yvyra rakã ha ijyvytu hatã oity pe ka’aguy, upévagui opavave tomomba’eguasu ichupe hogaguasúpe.
10Ñanderuete oisãmbyhy pe amaguasuete, ha upéicha Ha’e oisãmbyhyhína avei opaite mba’e, tetãnguéra ruvichaguasuete ramo, opaite árape g̃uarã.
11Ñanderuete ome’ẽ ipu’aka hetãme g̃uarã, Ñanderuete ohovasa hetãme ipy’aguapy reheve.
Who We AreWhat We EelieveWhat We Do
2025 by iamachristian.org,Inc All rights reserved.
