Salmokuéra 110 - Biblia en Guaraní - ?anderuete ?e’? Por? 2015

Ñanderuete ñe’ẽ hembiporavópe g̃uarã (Hesu Crístope g̃uarã) - David purahéi

1Ñanderuete he’i che Járape: Eguapy che akatúape, amoĩ meve umi nderehe ija’e’ỹva nde py renda ramo.

2Ñanderuete omboúta Sion guive nde yvyra po’i ipu’akapáva, rembopoguy hag̃ua umi nderehe ija’e’ỹvape.

3Ne retã oñemoĩta nde poguýpe, Nde rembopoguy mboyve nderehe ija’e’ỹvape, ha ijao ojajaipáva reheve oñekuave’ẽta ndéve g̃uarã, ko’ẽtĩ ruguaite guive ojajáita hikuái ysapýicha.

4Ñanderuete oñe’ẽme’ẽ ha ndoheja reimo’ãi iñe’ẽngue ha he’íta: Nde ha’ehína pe pa’iguasu ha pe mburuvichaguasu opaite ára peve g̃uarã che rogaguasúpe ku Melquisedékicha.

5Ñanderuete voi ningo oĩhína nde akatúape, ha ohundipaitéta umi tetã ruvichakuérape ipochyha árape.

6Ha’e ombojovakéta umi tetãme, ha he’õnguekuéragui omyenyhẽmbáta ko yvy, ojokapáta iñakãnguéra ñuguasúpe.

7Hoy’úta pe ysyrýgui oĩva tape ykére ha upévo omopu’ãva’erã iñakã.