1Ha he’i chéve: Kuimba’e ra’y, eñembo’y Che añe’ẽ hag̃ua nendive.
2Ha oñe’ẽmba rire chéve, oike chepype Ñanderuete Pytu Porãite chemoñembo’y, ha ahendu pe oñe’ẽvape,
3ha he’i chéve: Kuimba’e ra’y, Che romondóta Israel ñemoñarenguéra rendápe, umi iñe’ẽrendu’ỹvape ha oñemoĩvape cherehe. Ha’ekuéra ha ituvakuéra opu’ãva’ekue cherehe ko ára kóva peve.
4Che katu romondóta ita’yrakuéra hova mokõiva ha ipy’apy hatãva apytépe; ha eréta ichupekuéra péicha pende Ruete, Yvága Atykuéra Jára, he’i:
5Tohendu térã tohendu’ỹ hikuái, ha’ekuéra voi ningo peteĩ tetã oñemoĩva cherehe, oikuaa porãva’erã katu hikuái oĩha che rembiguái, peteĩ proféta ijapytepekuéra.
6Nde katu, kuimba’e ra’y, ani rekyhyjétei ichuguikuéra ha ani rekyhyjétei ereva’erãvagui, jepémo reime jukerity ha ñuatĩndy pa’ũme, térã alacran apyte rupi; ani rekyhyjétei iñe’ẽnguéragui, ha ani rekyhyje ichuguikuéra, ha’ekuéra ningo peteĩ tetã oñemoĩva cherehe.
7Ha eréta ichupekuéra che ñe’ẽ tohendu térã tohendu’ỹ hikuái; ha’ekuéra ningo naiñe’ẽrenduséi ha oñemoĩva voi hikuái cherehe.
8Ha nde katu, kuimba’e ra’y, ehendúke Che ha’étava ndéve; anítei nde reñemoĩ avei cherehe, ha’ekuéra ojapo háicha, ejejurupe’a uvei ha he’u ko mba’e Che ame’ẽtava ndéve ko’ág̃a.
9Ha ama’ẽ, ha péina ápe peteĩ po ojepysóva che aĩha gotýo, ha peteĩ kuatiañe’ẽ jokuapy oĩ ipópe.
10Ha péva ojepyso che renondépe, ha ojehai ipype henonde gotýo ha hapykue gotýo; ha oĩ ipype ñe’ẽ asy, ñembyasy ha jahe’o reheguáva.
Who We AreWhat We EelieveWhat We Do
2025 by iamachristian.org,Inc All rights reserved.
