1Upéi ha’e chereraha Ñanderuete rogaguasu ryepýpe, ha oha’ã umi horconguasuetéva, ha ipekue ohupity 3,07 métro, (péicha ipyva’ekue avei pe óga jojohuha).
2Pe okẽguasu ipy 5,10 métro ha itápia 2,55 métro, mokõivéva ykére. Upéi oha’ã Ñanderuete róga kotyguasu tuichavéva ha ipuku 20,40 métro ha ipe 10,20 métro.
3Ha ohasa hyepy gotýo, ha oha’ã pe okẽ horconguasu peteĩva, ipekue 1,02 métro ha pe okẽ ipy 3,07 métro ha umi mokõi tápia opytáva pe okẽguasu ykére peteĩteĩ oha’ãva 3,57 métro.
4Ha’e oha’ã avei ipukukue ha ojohu 10,20 métro ha ipykue 10,20 métro, péicha avei Ñanderuete rogaguasu pykue; ha he’i chéve: Kóa ha’e pe kotyguasu oñemboykeitéva Ñanderuetépe g̃uarã (ha pa’iguasúpe g̃uarã).
5Upéi oha’ã Ñanderuete rogaguasu tápia, ha ohupity 3,07 métro; ha ogaguy ipy 2,04 métro, Ñanderuete rogaguasu jerekuévo.
6Umi koty’i oĩ mbohapy ojo’ári ha ijyképe oĩ 30 (ojepapapaite ramo ojejohu 90 koty’i), ha umi koty’i oja Ñanderuete rogaguasu tápiare ha ko ogaguasu tápiagui osẽ umi ita, hi’ári oguapy hag̃ua umi koty’i, umi víga katu ndoikéi Ñanderuete róga tápiare.
7Ha umi koty’i yvateve gotyogua ipeve ohóvo: Ha peteĩ jejupiha rupi ojejupikuaa umi koty’i yvy peguágui umi imbyte peguápe ha pévagui umi koty’i yvateve peguápe. Ha umi koty’i yvate pegua ipeve ambuekuéragui.
8Ha ama’ẽ Ñanderuete rogaguasu jerekuévo ha ahecha oñemopu’ã hague peteĩ píso yvate, ha hi’ári ojejapo umi koty’i. Pe píso yvate ohupity 3,06 métro.
9Umi koty’i tápia oka gotyogua ipoguasu 2,55 métro ha oĩ peteĩ pa’ũ nandi opytáva umi koty’i tápiagui Ñanderuete rogaguasu tápia peve.
10Ha umi koty’ígui oka gotýo oĩ peteĩ pa’ũ nandi ha ipykue oha’ã 10,20 métro ha ojerepa Ñanderuete rogaguasu rehe.
11Pe pa’ũ nandihágui ojeikekuaa mokõi okẽ rupi umi koty’ípe, peteĩ okẽ opyta yvate gotýo ha pe ambue yvy gotýo, ha pe pa’ũ nandi ipy 2,55 métro.
12Ha pe ogaguasu opytáva pe nandiha rovái pe kuarahyreikeha gotýo ipy 35,70 métro ha itápia iñanambusu 2,55 métro ha ipukukue 45,90 métro.
13Upéi ha’e oha’ã Ñanderuete rogaguasu pukukue 51 métro, ha pe ogaguasu korapy itápia reheve oha’ã avei 51 métro ipukukuévo.
14Ha upéi oha’ã Ñanderuete rogaguasu pykue ha pe pa’ũ inandíva oma’ẽva kuarahyreike gotýo ha ojohu 51 métro.
15Ha oha’ã avei pe ogaguasu opytáva pe pa’ũ nandiha rovái hapykue gotýo, ha umi koty’i peteĩ yke guive ambue yke peve, ha ohupity 51 métro; ha Ñanderuete rogaguasu hyepy pegua tápia ha pe ogaguyguasu pe korapy pegua oñeñu’ãmbaite tábla ojeporavopyrévagui.
16Umi okẽ pyrũha ha umi ovetã pa’ũ ha umi koty’i tápia hyepy peguáva mbohapyve ojo’ári oñeñu’ãmbaite tábla ojeporavopyrévagui yvy guive hovetãnguéra peve; ha umi ovetã oñembotykuaa.
17Pe okẽ ári, Ñanderuete rogaguasu tápia hyepýguio ha okáguio oñemoĩ heta ta’ãnga:
18Oñemoĩmba hese querubin ha mbokaja ra’ãnga, peteĩ querubin ha ambue querubin pa’ũme oñemoĩ peteĩ mbokaja ra’ãnga; ha umi querubin katu mokõi hova.
19Peteĩ hova yvyarigua rováicha, oma’ẽva pe mbokaja oĩva akatúa pegua ykére ha pe ambue hova peteĩ leõ (África pegua) rováicha oma’ẽva mbokaja oĩva asu pegua yke rehe, ha péicha oĩmba pe óga jerekuévo.
20Yvy guive, okẽ ári peve oĩ querubin ha mbokaja ra’ãnga, Ñanderuete rogaguasu tápia tuichakue javeve.
21Umi Ñanderuete róga posteguasu rokẽ irundyve ijykére peteĩcha, ha pe kotyguasu oñemboykéva Ñanderuete renondépe oĩ peteĩ mba’e ojoguáva
22kuave’ẽmby rendápe ojejapóva yvyrágui, ipykue ha ipukukue peteĩcha, 1,02 métro; ha ijyvatekue 1,53 métro, ijape ha itapiakuéra yvyra meme. Ha he’i chéve: Kóva ningo pe mesa oĩvahína Ñanderuete renondépe.
23Ñanderuete róga kotyguasu oñemboykéva pa’ikuérape g̃uarã ha ikotyguasu oñemboykéva Ñanderuetépe g̃uarã ha pa’iguasúpe g̃uarã, mokõivéva hokẽ rogue mokõi.
24Ha peteĩteĩ umi okẽguasu hogue mokõiva ojere; umía ojepe’akuaa hyepýguio ha okáguio.
25Ko’ã okẽ rehe oĩ avei querubin ha mbokaja ra’ãngakuéra, umi Ñanderuete rogaguasu tápia rehe oĩ háicha; ha Ñanderuete rogaguasu ojeikehápe oka gotýo oĩ peteĩ ogaguy ojejapóva yvyrágui.
26Oñemoĩ ovetã po’i ha mbokaja ra’ãnga Ñanderuete rogaguasu ha hogaguy tápia rehe.
Who We AreWhat We EelieveWhat We Do
2025 by iamachristian.org,Inc All rights reserved.
