1Ha Hesu osẽ upégui, ha ou itávape, ha hemimbo’ekuéra omoirũ ichupe.
2Ha og̃uahẽvo pe sábado ára, oike Ñanderuete rógape oporombo’e hag̃ua, ha heta ohendúva ichupe ohecharamoite hikuái ha he’i: Mamógui piko kóva oñe’ẽ ko’ã mba’égui. Mba’e arandu piko kóva oguerekohína. Mba’éicha piko oiko ipo rupi ko’ã milágro.
3Ndaha’éi piko kóva upe carpintéro Jose ha María memby, Jacóbo, Jose, Júdas ha Simon ryke’y. Ha noĩri piko ñande apytépe heindykuéra. Ha oñepysãnga hikuái hese.
4Ha Hesu he’i ichupekuéra: Opaichagua proféta ndojejapói mba’eve ramo ivállepe ni hogayguakuéra apytépe.
5Ha mba’eve ndaikatúi ojapo upépe, omongueránte mbovymi hasývape, omoĩvo ipo hi’arikuéra.
6Ha Hesu ohechávo ha’ekuéra ndojeroviaseiha hese, oho oguata umi tava’i rupi oporombo’e hag̃ua.
Hesu omondo hemimbo’ekuérape omoherakuã hag̃ua iñe’ẽ ha ome’ẽ ichupekuéra pu’aka7Ha Hesu ohenói umi 12 hemimbo’ekuérape ha oñepyrũ omondo mokõi mokõime oñondive, ha ome’ẽ ichupekuéra pu’aka omosẽ hag̃ua mba’epochykuérape.
8Ha he’i ichupekuéra ani hag̃ua ogueraha mba’eve tapére g̃uarã, nipan térã vosa, ni pláta, peteĩ yvyra po’i añoite ipópe g̃uarã.
9Tomonde isapatu ha ani omonde mokõi camisa.
10Ha he’i ichupekuéra: Peike ramo peteĩ ógape, pepyta upépe, peho jevy peve pe tava’ígui.
11Ha upe tava’igua ndoipotái ramo peike ha napenerenduséi ramo, pesẽ upégui, peityvyro pe yvy timbo pende pýgui, opyta hag̃ua techahare ramo oñemoĩ haguére penderehe.
12Ha osẽ hikuái omombe’u hag̃ua opárupi, umi ohendúva ichupekuéra oñembyasy hag̃ua oiko vai haguére.
13Ha omosẽ heta mba’epochýpe, omonguera hasývape, omonávo hesekuéra acéite.
Heródes oñemondýi14Ha tetã ruvicha Heródes ohendu avei oñemombe’uguasuha opárupi Hesu Crísto réra ha oime he’íva: Juan, pe oporobautizava’ekue, oikove jevy omanóva apytégui, ha upévarehe oguereko pu’aka ojapo hag̃ua milagrokuéra.
15Ambue katu he’i: Elías ningo. Ambueve katu: Peteĩ proféta ningo, umi profetakue apytégui.
16Heródes ohendúvo ko’ã mba’e ko’ãva, he’i: Kóva ningo Juan, che añakã’oukava’ekue, oikove jevýma omanóva apytégui.
17Heródes voi ningo oapresa Juánpe, ha omoinge cárcelpe, Herodías, ityvýra Felípe rembirekokue rehehápe, Heródes ningo oñemokuñágui hese.
18Juan he’ígui ichupe: Naiporãi nde reguereko nde ryvy rembirekópe.
19Ha upévare Herodías ndaija’éi hese, ojukaukase voi ichupe, ndaikatúinte.
20Heródes ningo okyhyje Juángui, oikuaágui ha’eha kuimba’e heko potĩ ha heko porãva, upévare oñangarekouka porã hese. Heta jevy ohendu ichupe ha ojapysaka porã avei, ha’e katu ipy’a mokõi,
21ha og̃uahẽ peteĩ ára ho’a porãva ichupe, Heródes hi’ára mbotýpe ojapo karuguasu mburuvichakuéra ha isoldádo ruvichakuéra, ha Galileaygua karaiguasukuérape g̃uarã.
22Ha Herodías memby kuñataĩ oike ojeroky oguerohory hag̃ua Heródes ha kuimba’ekuérape oguapýva hendive mesápe. Upérõ Heródes he’i pe kuñataĩme: Ejerure reipotáva ha che ame’ẽta ndéve.
23Ha ome’ẽ jevy jey iñe’ẽ Ñanderuete rérape, he’ívo: Ejerure chéve, che retã mbytere jepe, ha katuete ame’ẽta ndéve.
24Ha osẽ ha’e oporandu hag̃ua isýpe: Mba’épa ajeruréta. Ha isy he’i ichupe: Juan, pe oporobautizáva akãngue ejerure.
25Upéicha ojevy pya’e tetã ruvicha rendápe ha ojerure ichupe he’ívo: Aipota ag̃aite voi reme’ẽ chéve peteĩ ña’ẽmbépe Juan oporobautizáva akãngue.
26Ha Heródes tuichaite ojepy’apy iñe’ẽ me’ẽmbyrére ha umi upépe oĩva rehe nopyrũséigui iñe’ẽ rehe,
27upévare pya’e omondo pe akã’ohára ogueruka hag̃ua Juan akãngue, ha ha’e oho cárcelpe oñakã’õ hag̃ua ichupe.
28Ha ogueru Juan akãngue peteĩ ña’ẽmbépe ome’ẽ hag̃ua pe kuñataĩme, ha kóva ome’ẽ isýpe.
29Juan remimbo’ekuéra katu oikuaávo upéva, ou hikuái ogueraha hag̃ua hetekue ha oñotỹ ichupe peteĩ tyvýpe.
Hesu oho hemimbo’ekuéra ndive desiértope30Ha Hesu remimbo’ekuéra ojevy hendápe ha omombe’u joa ichupe opaite mba’e oporombo’e ha ojapova’ekue.
31Ha Ha’e he’i ichupekuéra: Peju pepytu’umi desiértope, ndaijáigui ichupekuéra okarumi hag̃ua jepe, hetaitereígui umi ou ha ohóva hendápe.
32Ha oho hikuái bárcope ha’eñoháme desiértope.
Hesu omongaru 5.000 kuimba’épe33Ha heta ohechávo Ha’e ohoha, ha oikuaávo moõ gotýopa oho hikuái, opaichagua tavakuéragui oñani yvy rupi upépe ha og̃uahẽ voive Hesu ha hemimbo’ekuéragui.
34Ha Hesu oguejývo pe bárcogui ojohúma hetãygua aty ndetuicháva ha Hesu oiporiahuvereko ichupekuéra, oikoháre hikuái ovecha herekua’ỹvaicha, ha oñepyrũ ombo’e ichupekuéra heta mba’e rehe.
35Ha ka’aru pytũmbotávo hemimbo’ekuéra ou Hesu rendápe ha he’i hikuái ichupe: Desiérto ningo ko’ápe, ha ka’aruetéma,
36emondóna, toho hikuái umi ogaha rupi ha tava’i rupi, ojogua hag̃ua hi’upyrã.
37Ha’e katu he’i ichupekuéra: Pemongaru peẽ ichupekuéra. Ha’ekuéra he’i: Rohóta piko rojoguávo 200 pláta pehẽnguemi rehe pan romongaru hag̃ua ichupekuéra.
38Ha Hesu oporandu ichupekuéra: Mboy pan piko peguereko. Tapeho pehecha. Ha oikuaa rire hikuái, he’i: 5 pan ha mokõi pira.
39Upérõ Hesu omboguapyuka umi oñembyatývape, aty atýpe kapi’ipe ári.
40Ha upéicha ojapo hikuái, omboguapyukapa umi oñembyatývape atýra atýrape, 100 kuimba’e peve peteĩ atýrape ha ambue atyrakuérape 50 kuimba’e pevénte.
41Ha Hesu ojapyhy umi 5 pan ha mokõi pira, omopu’ã hesa yvágare ha oñembo’e, upéi oipehe’ã umi pan ha ome’ẽ hemimbo’ekuérape ombohasa hag̃ua umi atýrape, uperire omboja’o avei umi pira ombohasa hag̃ua avei ichupekuéra.
42Okarupa hikuái ha hyg̃uatã porãmba.
43Ha hemby jevy 12 ajaka pe tembi’u ome’ẽva’ekuégui.
44Ha umi okaruva’ekue ningo 5.000 kuimba’e rupi.
Hesu oguata y ape ári45Ha upéi Hesu ombopya’e hemimbo’ekuérape ojupi hag̃ua pe bárcope ohasa hag̃ua y mboypýri, Betsáidape, ha’e omondo aja umi oñembyatyva’ekuépe.
46Ha Hesu omondopa rire ichupekuéra, ojupi peteĩ cérro ári oñembo’e hag̃ua.
47Ha ka’aru pytũvo, pe bárco oĩ yguasu mbytépe, ha Ha’e opyta ha’eñoite y rembe’ýpe.
48Ha Ha’e ohechávo ichupekuéra ikane’õitemaha orrema hague, oipejúgui yvytu neratãva; ha ko’ẽjumbotáma rupi, oho hendapekuéra guatahápe yguasu ape ári; ha oñemotenondesemo’ã ichuguikuéra.
49Ha’ekuéra katu ohechávo Ha’e oguataha y ape ári, oimo’ã hikuái peteĩ póra ouha, ha osapukaipa okyhyjégui.
50Okyhyjeiterei ningo hikuái ohechávo ichupe. Hesu katu oñe’ẽ ichupekuéra ha he’i: Tapendepy’aguapy. Chénteko, ani pekyhyjétei.
51Ha ojupi pe bárcope opyta hag̃ua hendivekuéra, ha pe yvytu neratãva opi, ha’ekuéra katu oñemondyipa opytávo.
52Ha’ekuéra ndohechakuaái gueteri pe milágro Hesu ojapova’ekue pe pan rehegua, iñe’ãnguéra hatãitereígui gueteri.
53Ha ohasa rire y mboypýri og̃uahẽ Genesaret yvýpe, ha opyta hikuái y rembe’ýpe.
54Oguejývo hikuái pe bárcogui, voiete umi tetãygua oikuaa Ha’e Hesu Crístoha.
55Ha oñepyrũ hikuái ogueru hupa reheve umi hasýva, ohendúgui Ha’e oumaha.
56Hesu oguatahapa rupi taha’e táva térã ñúme rei oñemoĩ umi hasýva hapépe, ha ojerure asy hikuái ichupe opoko hag̃ua ijao rembe’ýre jepe, ha umi opokóva guive hese okuerapa opytávo imba’asykuéragui.
Who We AreWhat We EelieveWhat We Do
2025 by iamachristian.org,Inc All rights reserved.
