1Nde, ore Ruete, oreguenohẽmína ore jejopy vaígui, opáma umi heko potĩva; yvyariguakuéra apytépe ndaiporivéima umi ojerovia porãva nderehe.
2Opaite yvyarigua ijapu hapichápe, juruhe’ẽpópe oñe’ẽ hikuái ha tova mokõime oñemongeta oñondive.
3Ñanderuete tohundipa mayma ijuruhe’ẽvape, ha upéicha avei umi juru oñembotuicha reívape.
4Ha umi he’iva’ekuépe: Ore juru rupi orembarete, ore juru ore mba’etee, máva piko oñemoĩne orerehe.
5Umívape Ñanderuete ombohovái: Ko’ág̃a apu’ãta aipytyvõ hag̃ua umi ojerurévape, umi ikangývape, ohasa asy reívape ha umi imboriahúvape, ipyahẽ jave.
6Ñanderuete ñe’ẽ ipotĩeterei ku pláta (óro morotĩ) oñemopotĩ jo’a jo’ávaicha tatakuápe, 7 jevy oñemopotĩ jo’a jo’a ipotĩete hag̃ua.
7Nde, che Ruete, reñangareko porãta ne ñe’ẽ rehe; ha reñangareko porãta orerehe opaite ára ko’ã ñemoñarenguéragui.
8Iñañáva opa rupiete oĩhína, yvyariguakuéra apytépe oñembohetave ohóvo umi tekove ñañanguéra.
Who We AreWhat We EelieveWhat We Do
2025 by iamachristian.org,Inc All rights reserved.
