1Oĩ peteĩ mba’evai ahechava’ekue ko yvy apére, heta jevy ojehúva yvyariguakuéra apytépe.
2Ñanderuete ome’ẽ peteĩ tapichápe pirapire heta, mba’e porãita, terakuã porã, ha mba’eve ndofaltái ichupe, oguereko hi’ánga oipotáva guive; Ñanderuete katu ndohejái ha’e ovy’a puku imba’eita reheve, ombohaságui imba’eita hapichápe, ha’e ovy’a hag̃ua. Ko’ãva hína mba’e reiete, ha ñembyasy ndetuicháva.
3Jepevémo peteĩ túva ita’ýra 100, ha oikove heta áño pukukue, ha hi’ánga ndaipy’aguapýi imba’eporã reheve, ha omano rire noñeñotỹi ramo ichupe, che ha’e: Peteĩ mitã membykuare jepe iporãveha upe túva upévagui.
4Ko mitã kóva ningo oúkuri mba’eveichagua ramo ko yvy apére, ha oho pytũ guýpe, ha pytũ guýpe héra oñemokañýta.
5Ko mitã membykuare ndoikuaái ramojepe pe kuarahy, kóva ipy’aguapyve amóvagui.
6Ha amóva oikove ramojepe 2.000 áño. Amo ipahápe ndovy’ái ramo imba’e porã reheve, ndohopái piko peteĩ hendag̃uámente.
7Opaite yvyarigua rembiapo ijurúpe g̃uarã, ha upeichavéramo jepe hi’ánga nahyg̃uatãi.
8Mba’épa pe iñarandúva oguerekove pe ivýrovagui, mba’épa pe iñarandúva oguerekove imboriahúvagui, kóva oiko ramo py’aguapýpe.
9Iporãve jaiporu porã jarekóva guive, ñande jaipotaiterei upe mba’e jahupity’ỹva gueteri. Ko’ã mba’e reiete ha ojogua peteĩ ojokoséva rãngue yvytúpe.
10Opaite mba’e oikova’ekue guive yma Ñanderuete he’ímara’e oikotaha, Ha’e oikuaapa voi upe ojehútava ñande rekoverãme, ha avave ndaikatúi oñorãirõ pe Ipu’akapavéva ndive.
11Añetehápe tapichakuéra oñembotuicha iñe’ẽ heta rupi, ko mba’e kóva rupínte katu ohechauka ivýro reiha. Ha mba’épa pe tapicha péva ohupity iñe’ẽ heta rei rupi.
12Ha mávapa añetehápe oikuaa mba’épa iporãve yvyariguakuéra rekovépe oikove mbyky aja. Yvyarigua rekove ojogua kuarahy’ãme. Ha mávapa ikatu oikuaauka yvyariguakuérape umi mba’e ojehútava yvy apére ha’ekuéra oho rire.
Who We AreWhat We EelieveWhat We Do
2025 by iamachristian.org,Inc All rights reserved.
