1Esapukái hatãke nde ahy’o ome’ẽ háicha, ani rekirirĩtei; turúicha hatã esapukái, ha emombe’u che retã reko ñaña ha Jacóbo róga angaipa.
2Opaite árape ha’ekuéra chereka, ha oikuaase haperã, ku ojerovia porãvaicha cherehe ha ku ndohejáiva ramoguáicha che rembiapoukapy; ojerure hikuái chéve Che aipytyvõ hag̃ua ichupekuéra ha oha’ãrõ hikuái Ijára oiko hag̃ua ijapytépe.
3He’i hikuái: Ma’erã piko ore ndorokarúi Ha’e nopenái ramo orerehe, ma’erã piko roñemomirĩ Ha’e ndohechakuaái ramo; pema’ẽ porãke, pe ára peẽ pekaru’ỹ aja peñeha’ã pejapopa hag̃ua pene rembiapo ha pejopy pene mba’apohárape omba’apo pohyive hag̃ua.
4Pema’ẽ, porãke, pekaru’ỹha árape peñoñe’ẽ api, peñonupã ha peñorãirõ, peichagua karu’ỹ rupi pende Ruete yvága pegua ndaikatúi penerendu.
5Avy’a piko peichagua karu’ỹ reheve, peñembohasa asy ramo ha pejayvy ramo pirícha, peñemonde ao vosakuépe ha peguapy tanimbúpe. Ko’ã mba’épe piko pehenói karu’ỹ, peteĩ ára oguerohorýva pende Ruetépe.
6Pe karu’ỹ Che ahayhúva péicha: Pepoi pene rembiapo vaígui (angaipágui), pepoi umi peẽ pejopy asývagui ha pemopẽ opaichagua cangálla peẽ voi pemoĩva pende rapicha ati’ýre,
7pemboja’o pene rembi’u iñembyahýivape, pembohupa nde rógape pe oikotevẽvape, pemonde ijopíovape ha peipytyvõ pende rapichápe.
8Upéicharamo nde resape ohesapéta ku ko’ẽtĩcha, ha pende aikuéra okuerapáta ha pende justícia ohóta pene renonderãme ha Ñanderuete reko jajaipa nemoirũta nde rapykuéguio.
9Uperire ae pehenóita pende Ruete ha Ha’e ombohováita, pemba’ejerure asýta, ha Ha’e he’íta: Péina ápe aĩ. Upévare ani pejopy rei pende rapichápe, ha anive pemongyhyje rei pende rapichápe pene ñe’ẽ pohýi rupi.
10Peme’ẽ katu pene rembi’u iñembyahýi asývape, ha pemohyg̃uatã pe ojepy’apy asývape, upéicha pende resape omyesakã pytũ guýpe ha ne ypytũ ojoguáta asaje mbytépe,
11ha pende Ruete pomboguatáta opaite árape ha penemohyg̃uatã porãta pende yvy ikangy ramojepe ha Ha’e omombaretéta pende rete ha pejoguaitéta ku ka’avoty oñembohykuévape meme árape, ha yvu hi’y hetávape, ndahypáiva araka’eve.
12Ha pemopu’ã jevýta umi táva itaperepáva, ha pemopu’ã jevýta pende ypykuéra róga tápia ha pende rérata: Kuára mbotyha ha tape myatyrõha.
Ñanderuete ohovasáta umi oñangareko porãva pe sábado13Nde reñongatu porã ramo pe sábado ára, nde neremba’apói ramo pe sábado árape, ha ndereguata pukúi ramo, nderejapói ramo ne negócio (mba’evende) ha neremombe’úi ramo ñe’ẽguata rei, péicha emomba’eguasu pe sábado ára,
14ha ndepy’aroryetéta nde Ruete ndive; ha Che rohupíta pe yvy ijyvateha peve, ha ha’ukáta ndéve nde ru Jacóbo mba’eporã; Nde Ruete juru he’i ko’ã mba’e ko’ãva.
Who We AreWhat We EelieveWhat We Do
2025 by iamachristian.org,Inc All rights reserved.
