1Filisteayguakuéra ojeity Israelguakuéra ári, ha Israelguakuéra okañy henonderãgui ha he’õnguekuéra ho’a joa opa rupi Gilbóa cérro rehe.
2Ha Filisteayguakuéra oho Saul ha ita’yrakuéra rapykuéri, ojuka hikuái Jonatan, Abinadab ha Malquisua, Saul ra’ykuérape.
3Ha ipohyive ohóvo pe ñorãirõ, ojeity hikuái Saul ári, ha ohupity ichupe hu’y momboha.
4Upémaramo Saul he’i imo’ãhápe; ehekýi nde kyse puku ha embyasuru che rete rehe osẽ meve che lómope, anítei ou umi ipire’i oikytĩ’ỹva chekutu vaipa ha oñembohory cherehe. Ha imo’ãha ndoikutuséi ichupe okyhyjeitereígui. Upémaramo Saul omoĩ porã ikyse puku ha ojeity hi’ári.
5Saul mo’ãha ohechávo he’õnguemaha, ha’e ojeity avei ikyse puku ári ha omano hendive.
6Péicha, pe ára pévape Saul omano, ita’ýra mbohapy ndive, imo’ãha ndive, ha mayma iñirũnguéra ndive.
7Ha umi Israelgua oĩva cérro pa’ũ mboypýri gotýo, ha umi oĩva Jordan mboypýri gotýo, ohechávo Israel oñemuñambamaha, ha Saul ita’yrakuéra ndive omanomaha avei; oheja itavakuéra ha okañymba; ha umi Filisteaygua ou ha oiko itavakuérape.
8Ha ambue ko’ẽ jevývo, Filisteayguakuéra oúvo ogueraha hag̃ua umi omanomava’ekue mba’ekue, ojohu hikuái Saúlpe ha mbohapy ita’ýrape ojepysohína Gilbóa cérrope.
9Ha oakã’o hikuái ha oipe’a ichugui iñorãirõ rembiporu, ha oguerahauka ñe’ẽ rerahahára Filisteaygua retãme, omombe’u hag̃ua ko marandu pyahu porãva ijára tupãópe ha hetãyguakuérape.
10Ha iñorãirõ rembiporu omoĩ Astarot tupãópe, ha hetekue omosãingo Bet-san tápia jere yvate rehe.
11Ha umi Jabes Galaad pegua ohendúvo Filisteayguakuéra ojapova’ekue Saul rehe.
12Ombyaty opaite kuimba’e ipy’aguasúva guive, ha oguata hikuái pe pyhare pukukue jave, oipe’a hag̃ua Saul retekue ha ita’yrakuéra retekue Bet-san tápia jere yvatégui, ha oguerahapa hikuái Jabéspe, upépe ohapy hikuái hetekue.
13Ha ogueraha ikanguekue oñotỹ hag̃ua peteĩ yvyra guýpe Jabéspe, ha 7 ára pukukue ohasa hikuái okaru’ỹ rehe.
Who We AreWhat We EelieveWhat We Do
2025 by iamachristian.org,Inc All rights reserved.
