1Ore, Páblo, Silváno ha Timotéo, romomaitei Hesu Crísto iglésiape oĩva Tesalónicape, ha oikóva Ñandejára Ñanderuete ha Ñandejára Hesu Cristopype.
2Ñandejára Ñanderuete ha Ñandejára Hesu Crísto poriahuvereko ha ipy’aguapy toĩ penendive.
Ñanderuete ombojovakeva’erã angaipavorakuérape Hesu Crísto ou jevy ramo3Oremandu’a ramo penderehe, hermanokuéra, roagradece Ñanderuetépe pende jerovia okakuaa porãvére ohóvo ha pe mborayhu añeteguáva oñembohetavére ohóvo avei pende apytépe.
4Upéicharupi ore voi roñe’ẽ porã penderehe Ñanderuete iglesiakuérape, peẽ pembopoguy porãgui opaichagua jepy’ara’ã, taha’e persecucion, taha’e jejopy vaiete, opaite ko’ã mba’e peẽ peropu’aka porã pende jerovia rupi.
5Ko’ã jehasa asy rupi ojehechakuaa Ñanderuete penembojovake porãha ha penembosako’iha, peiko hag̃ua avei hetãguasurãme, ha upévare ningo peẽ pehasa asy avei.
6Ija ningo Ñanderuetépe, pe mbojovakehára heko peguáva, omyengovia hag̃ua pe jehasa asy umi penembohasa asyva’ekuépe.
7Ha’e ñanembopytu’úta ñandéve upe jehasa asýgui, Hesu Crísto ouha ára yvágagui hembiguái (hi’ángel) atyguasu ndive,
8ha tata rendýpe ohepyme’ẽ hag̃ua umi ndoikuaaséivape Ñanderuetépe ha naiñe’ẽrenduséivape Ñandejára Hesu Crísto ñe’ẽ porãitépe,
9ha’ekuéra ojehaviráta (ojecastigáta) ñehundi tapia g̃uarã rupi ha oñemomombyrýta Ñanderuete rovágui, heko jajaipa ha ipu’akágui.
10Hesu Crísto ouha árape oñemomba’eguasúta heseguakuéra apytépe ha opaite ojeroviáva guive hese ohechava’erã ichupe, peẽ avei, peguerovia haguére upe romombe’uva’ekue peẽme ore ñe’ẽ rupi.
11Upevarã ore roñembo’e tapia penderehe Ñanderuetépe, Ha’e tombosako’ive ohóvo pende rekove peiko hag̃ua hekópe, Ha’e penerenóigui. Ha ore rojerure Ñanderuetépe, Ha’e tapenemombarete peiko hag̃ua py’a porã ha jerovia pu’aka poguýpe.
12Oñemomimbi hag̃ua Ñandejára Hesu Crísto réra pendepype, ha peẽ ipype, Ñanderuete ha Ñandejára Hesu Crísto poriahuvereko rupi.
Who We AreWhat We EelieveWhat We Do
2025 by iamachristian.org,Inc All rights reserved.
