2 Crónicas 27 - Biblia en Guaraní - ?anderuete ?e’? Por? 2015

Jotam oisãmbyhy Judayguápe

1Jotam oguereko 25 áño oñepyrũvo oisãmbyhy, ha 16 áño oisãmbyhy Jerusalénpe. Isy réra Jerusa, Sadoc rajy.

2Ha ojapo iporãva Ñanderuete resa renondépe, itúva Uzías ojapómi haguéicha, ndoikevéi katu Ñanderuete rogaguasúpe. Hetãyguakuéra katu heko vai vaive ohóvo.

3Ha’e omopu’ã pe okẽ tuichavéva Ñanderuete róga korapýpe, ha omboyvateve Jerusalen táva tápia oĩva Jerusalen jerekuévo.

4Omombareteve ohóvo umi táva Juda cerrokuéra rupi ha omopu’ã óga yvate ñemongorapyréva ka’aguy rupi.

5Ojeity avei Amon ñemoñarenguéra ári, ha ipu’aka hesekuéra; ha meme áñope Amon ñemoñarenguéra ome’ẽva’erã ichupe 3.050 kílo pláta, 2.200.000 lítro trígo ha 2.200.000 lítro cebáda. Ko’ã mba’e Amon ñemoñarenguéra ome’ẽ ichupe avei pe áño mokõi ha mbohapyhápe.

6Ha Jotam oñemombareteve ohóvo oguatágui Ñanderuete rapére.

7Ambue Jotam rembiapokue, iñorãirõnguéra ojapova’ekue ha hekove reko, ojehaipa Israel ha Juda retã ruvichakuéra rembiapokue kuatiañe’ẽme.

8Jotam oñepyrũ ramoguare oisãmbyhy oguereko 25 áño, ha oisãmbyhy Jerusalénpe 16 áño.

9Ha Jotam omano rire, oñeñotỹ ichupe David távape; ha hendaguépe oisãmbyhy ita’ýra Acaz.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help