1Job ombohovái, ha he’i:
2Mba’éicha piko remoangapyhy ikangývape. Mba’éicha piko reipytyvõ pe hi’ánga ojejopývape.
3Mba’éicha piko rehekombo’éra’e iñarandu’ỹvape, ha mba’eichagua arandúpa reikuaaukára’e.
4Mávapepa reikutuse ne ñe’ẽ rupi ha mba’eichagua pytu piko oñe’ẽ nde juru rupi.
5Umi omanomava’ekue oryrýi yguasu ruguápe, ha opaite oikóva guive ipype.
6Pe omanomava’ekue retã ojepe’áma henondépe, ha isepultúra noñemo’ãi.
7Ha’e oipyso pe yvága pe nandiha ári. Ha ojoko pe yvy mba’eve’ỹre.
8Ha’e ojoko pe y araíre, ha ndosorói ipohýi ramojepe.
9Ha’e omokañy iguapyhaguasu omyasãivo hi’araieta ijerekuévo.
10Ha’e omohembe’y ykuéra, ha upéicha avei pe tesakã, pytũ apýragui.
11Ñanderuete oja’o ramo yvága pyrenda oñemondýi ha oryryipa.
12Ipu’aka rupi Ha’e ombokuchu yguasu, ha iñarandu rupi ombyai tejujaguaguasúpe (leviatánpe).
13Oipeju ramo pe ára oñemopotĩ jevy ha ipo ojuka pe tejujaguaguasúpe.
14Eikuaa porãke, ko’ã mba’e ningo ipu’aka rembe’yremínte; mba’eichaite piko oñemondýi umi ohendúva iñe’ẽ térã Ha’e osunu hatã ramo.
Who We AreWhat We EelieveWhat We Do
2025 by iamachristian.org,Inc All rights reserved.
