1Ñanderuete oñe’ẽ Moiséspe ha he’i:
2Eñe’ẽ Israel ñemoñarenguérape, ha ere ichupekuéra: Peteĩ kuimba’e térã kuña oñemboykeséva pende Ruetépe g̃uarã Ha’e omboheko porãve hag̃ua ohóvo ichupe Nazaréo ramo,
3ha’e ndo’uiva’erã víno, térã ambue mba’e oporomonga’úva, térã vinágre, mba’eveichagua parral rykuere, térã parral’a ipyahúva térã ikãmbyréva ndo’uiva’erã.
4Oñeme’ẽ guive Nazaréo ramo ndo’uiva’erã mba’evete ojejapóva parral’águi, ha’ỹigui térã ipirégui.
5Oiko aja Nazaréo ramo noikytĩriva’erã hi’áva, oñemboty peve umi ára oñemboykeseha peve pende Ruetépe g̃uarã, ha’e oñemboheko porãve hag̃ua, ohejava’erã iñakã rague okakuaa.
6Oñemboyke aja pukukue pende Ruetépe g̃uarã, noñembojaiva’erã hapicha re’õngue rehe,
7taha’e jepe itúva térã isy, ityvýra térã iteindýra, noñemongy’aiva’erã hesekuéra iñemano rupi; oñemboykégui pende Ruetépe (iñakãrague puku rupi ojehechauka).
8Oiko aja Nazaréo ramo, oñemboykéma pende Ruetépe g̃uarã.
9Ha sapy’a oĩ ramo peteĩ omanova’ekue ijypýpe, iñakã oñemopotĩmava’ekue oñemongy’a; upéicharupi, toha’ãrõ 7 ára ha pe ára 7-hápe omoperõva’erã iñakã, ipotĩ jevy hag̃ua.
10Ha pe ára 8-hápe ogueruva’erã mokõi jeruti térã mokõi pykasura’y pa’ípe, pe óga jojohuha rokẽme.
11Ha pe pa’i oikuave’ẽva’erã peteĩ guyra kuave’ẽmby angaipa reheguáva ramo omoĩ porã jevy hag̃ua ichupe pende Ruete renondépe, ha pe ambue guyra ojehapýta kuave’ẽmby ojehapypáva ramo, oñemongy’a haguére pe omanova’ekue retekue rehe ha oñemopotĩ jevýta iñakãrague (ijejavýgui).
12Oñemboyke jevy hag̃ua Nazaréo ramo pende Ruetépe g̃uarã togueru peteĩ ovecha ra’yrusu, oguerekóva peteĩ áño, angaipa reheguáva ramo hembiapo vai rehe; umi ára oñemonazareova’ekue opyta rei, omongy’águi inazaréo reko, ndojehechakuaáigui umi ára ohasamava’ekue, ha oñepyrũ jevyva’erã.
13Ko Nazaréo omboty ramo umi ára Inazaréo reko reheguáva ouva’erã pe óga jojohuha rokẽme,
14ha oikuave’ẽva’erã peteĩ ovecha mácho iporãitéva, oguerekóva peteĩ año, kuave’ẽmby ojehapypáva ramo pende Ruetépe g̃uarã, ha peteĩ ovechakuña iporãitéva hi’áño peteĩva, oñemoĩ porã jevy hag̃ua, ha peteĩ ovecha mácho iporãitéva kuave’ẽmby py’aguapy reheguáva ramo.
15Togueru avei peteĩ ajaka’ípe pan he’ẽva ojejapova’ekue trígo ku’i porãgui, levadura’ỹre ha oñembojehe’áva acéite reheve, ha togueru avei mbeju oñemonambyréva acéite reheve ha ikuave’ẽmby tembi’u reheguáva ha víno reheve.
16Ha pe pa’i oguerupava’erã pende Ruete renondépe oikuave’ẽ hag̃ua ichupe pe kuave’ẽmby angaipa reheguáva ha kuave’ẽmby ojehapypáva,
17oikuave’ẽveva’erã pe ovecha mácho kuave’ẽmby py’aguapy reheguáva pende Ruetépe g̃uarã, ha avei pe pan ilevadura’ỹre, pe kuave’ẽmby tembi’u reheguáva ha pe víno.
18Ha upe Nazaréo omoperõva’erã iñakã oñemopotĩva’ekue pe óga jojohuha rokẽme, ha ohapyva’erã iñakãraguekue oitývo pe kuave’ẽmby py’aguapy rehegua tatápe.
19Upéi pe pa’i ogueruva’erã pe ovecha mácho paléta ojýmava ha peteĩ pan ojejapóva levadura’ỹre pe ajaka’ígui, ha peteĩ mbeju ha omoĩva’erã Nazaréo pópe omoperõmba rire iñakã, ha oñemopotĩmba rire,
20pe pa’i omyatymõiva’erã umíva pende Ruete renondépe kuave’ẽmby ñemyatymoimbýva ramo, ha pe pa’i omyatymoimba rire ogueraháta imba’e ramo ipyti’akue ha pe paletakue, uperire ae upe Nazaréo hoy’ukuaa jevy víno.
21Ko’ãva hína tembiapoukapy Nazaréo reheguáva. Ha’e tojapopa hekoitépe, ha’e oñe’ẽme’ẽ haguéicha pende Ruetépe, ha toikuave’ẽmba pe Nazaréo reko ojerure háicha (Ñanderuetépe).
Pa’ikuéra jehovasa22Ñanderuete oñe’ẽ Moiséspe ha he’i:
23Eñe’ẽ Aaron ha ita’yrakuérape ha ere ichupekuéra: Ko’ã ñe’ẽ peiporúta pehovasa ramo Israel ñemoñarenguérape:
24Ñanderuete tanderovasa, ha toñangareko nderehe.
25Ñanderuete rova tojajái nde ári ha tandeporiahuvereko.
26Ñanderuete toma’ẽ nderehe ha tanembopy’aguapy.
27Péicha pa’ikuéra oñe’ẽ ramo Israelguakuérape, Che ahovasa hag̃ua ichupekuéra.
Who We AreWhat We EelieveWhat We Do
2025 by iamachristian.org,Inc All rights reserved.
