1Marandu Damásco rehe. Pehendu porãke, Damásco ndaha’emo’ãvéi peteĩ táva, tapere atýrante oikóta ichugui.
2Umi táva Aroer peguápe ndojeikovéima, ovecha atykuéra oikóta upépe, ha ndaiporimo’ãi avave omondýiva ichupekuéra.
3Opáta Efrain ha Damásco pu’aka, ha Síriagui hembýva opytáta avei Israel ñemoñarenguéra pu’akáicha, he’i yvága atykuéra Jára.
Israel opoíta ijára ra’ãngakuéragui4Upe ára upévape Jacóbo pu’aka oguevéta ha ho’o kyrakue ipiruvéta ohóvo.
5Ha oikóta ku ñemono’õhára ojapyhy ramoguáicha pe trígo háse oikytĩ hag̃ua ijespíga; ha ojoguáta avei ku Refaim cérro pa’ũme omono’õ aja pe trígo.
6Mbovymi hembýta ityguépe, ku olívo máta ojetyvyro ramoguáicha; mokõi térã mbohapy olivo’a opyta hakã ru’ã rehe, irundy térã 5 hetavéta ramo hemby ambue olívo yvyra rakã rehe, he’i Ñanderuete, Israel Jára.
7Upe ára upévape yvyariguakuéra oma’ẽta Ijapohare rehe, ha hesakuéra oma’ẽta Israel Jára heko porãva rehe.
8Upéramo noma’ẽmo’ãvéi ikuave’ẽmby rendakuéra rehe ipokuéra ojapova’ekue, ni ndohechasemo’ãvéi ikuã rembiapokue, ni noma’ẽmo’ãvéi Asera ra’ãnga rehe, ni kuarahy ra’ãngakuéra rehe.
9Upe ára upévape ojepoíta itavakuéra oñemombareteva’ekuégui, umi Amor ha Hetgua opoi haguéicha itavakuéra oĩva’ekue ka’aguýpe ha cérrope, okyhyjégui Israelguakuéragui.
10Nderesarái haguére Ñanderuetégui, neguenohẽmava’ekue heta jevy jejopy vaígui, ha nanemandu’avéi haguére nde itaguasu, ne kañyha renda rehe, upévare reñotỹ ramojepe mba’eporãva, térã parral ra’y oúva ambue tetãgui,
11ha okakuaa ha hoky porã ramojepe, hi’akue nde neremono’õmo’ãi oñehundipátagui upe jepy’apyguasueteha árape, ha upe mba’asy vaieteha árape.
12Angái, angái, heta tetã oñembyatýta ha hyapúta ku yguasu pochy ryapúicha, ha heta tetã okororõta ku yeta ipochývaicha.
13Umi tetã hyapu ramojepe ku yeta hyapu háicha, Ñanderuete oja’o ramo ichupekuéra mombyry okañýta; oñembovevepáta ku yvyra rogue pirukuéicha yvytu oguerovevérõ guáicha térã ku yvy timbóicha yvytu jepoka renonderãme ohórõ guáicha.
14Ka’aru pytũme oporomongyhyjénterõ gueteri, ko’ẽ mboyve katu ndaiporimo’ãvéima. Ko’ã mba’e ojehúta umi ojeitývape ñande ári ñanembopoguy hag̃ua.
Who We AreWhat We EelieveWhat We Do
2025 by iamachristian.org,Inc All rights reserved.
