Salmokuéra 137 - Biblia en Guaraní - ?anderuete ?e’? Por? 2015

Umi oñeñapytĩva Babilónia retãme ojahe’o

1Ore roguapy joava’ekue Babilónia ysyrykuéra ypýpe, ha orerasẽ, oremandu’ávo Jerusalen rehe.

2Umi sáuce rakã rehe romosãingo ore árpa michĩva.

3Ha umi oreguerahava’ekue ñapytĩháme ojerure oréve ropurahéi hag̃ua, ha umi orepy’apy vaiete jave, ha’ekuéra oipota ore rovy’a ha he’i hikuái: Pepurahéike oréve purahéi Jerusalen reheguáva.

4Mba’éicha piko ropurahéita Ñanderuete purahéi tetã ambuépe.

5Cheresarái ramo ndehegui, Nde Jerusalen, che jyva akatúa taipiru.

6Nderehe nachemandu’avéi ramo ha ndahayhuvéi ramo Jerusalénpe opaite ambue mba’e chembohorývagui, che kũ toja che apekũ rehe.

7Nde, ore Ruete, nemandu’amína umi Edom ra’y rehe he’i ramoguare: Peitypa yvy rehe, peitypa Jerusalen yvyete peve.

8Nde, Babilónia, nde tavaguasu oñehundíta avei, ovy’ava’erã upe omyengoviáva ne rembiapo vaikue orerehe.

9Ovy’aiteva’erã upe ojapyhýva ne mitãkuéra ojoka hag̃ua itaguasu rehe.