Números 26 - Biblia en Guaraní - ?anderuete ?e’? Por? 2015

Ojepapa jevy Israelguakuérape

1Ojehu pe ñemanoguasu rire, Ñanderuete oñe’ẽ Moises ha Eleazar, pa’i Aaron ra’ýpe, ha he’i:

2Peipapa mayma Israel ñemoñarenguérape, ombotýmava guive 20 áño hogaguasukuéra rupi, umi ikatúva osẽ ñorãirõrãme.

3Upérõ Moises ha Eleazar ombyaty Israelguakuérape Moab ñúme, Jordan rembe’ýpe, Jerico rovái,

4oipapa hag̃ua hetãyguakuérape oguerekómava guive 20 áño ári, Ñanderuete he’i haguéicha Moiséspe, ha Israelguakuérape osẽ ramoguare hikuái Egíptogui:

5Israel ra’y ypykue Ruben, ita’yrakuéra: Enoc ha ichugui ou Enoc rogaguasu; upéi Falu ha ichugui ou Falu rogaguasu;

6upéi Hezrón ha hogaguasu; ipahápe Carmi ha hogaguasu.

7Ko’ãva hína Ruben rogaguasukuéra ha ojepapa rire ojejohúma 43.730 kuimba’e.

8Falu ra’y ningo Eliab.

9Ha Eliab ra’ykuéra: Nemuel, Datan ha Abiram. Datan ha Abiram oikókuri pe aty rekombo’eha ramo ha opu’ãva’ekue Moises ha Aaron rehe, Core ha iñirũnguéra ndive, ha’ekuéra oñemoĩ ramoguare Ñanderuete rehe.

10Pe yvy ojejurupe’a ha omokõmba ichupekuéra, upéicha ha’ekuéra omanomba. Pe tata ombokusugue avei umi 250 kuimba’épe, ko’ã mba’e ojehu omomarandu hag̃ua ambuekuérape.

11Core ra’ykuéra katu nomanoi.

12Umi Simeon ra’ykuéra: Nemuel ha hogaguasu, Jamin ha hogaguasu, Jaquin ha hogaguasu,

13Zera ha hogaguasu, Saul ha hogaguasu.

14Simeon rogaguasukuéra ohupity 22.200 kuimba’e.

15Gad ra’ykuéra: Zefon ha hogaguasu; Hagui ha hogaguasu; Suni ha hogaguasu;

16Ozni ha hogaguasu; Eri ha hogaguasu;

17Arod ha hogaguasu; Areli ha hogaguasu.

18Ko’ãva Gad rogaguasukuéra ha ojepapa rire ojejohu 40.500 kuimba’e.

19Juda ra’ykuéra: Er ha Onan, mokõivéva omanomava’ekue Canaan retãme.

20Ha ko’ãva ambue Juda ra’ykuéra: Sela ha hogaguasu; Feres ha hogaguasu; Zera ha hogaguasu.

21Ha ko’ãva ha’ékuri Feres ra’ykuéra: Hezron ha hogaguasu; Hamul ha hogaguasu.

22Ko’ãva Juda rogaguasukuéra ha ojepapa rire ojejohu 76.500 kuimba’e.

23Isacar ra’ykuéra: Tola ha hogaguasu; Fúva ha hogaguasu;

24Jasub ha hogaguasu; Simron ha hogaguasu.

25Ko’ãva hína Isacar rogaguasukuéra ha ojepapa rire ojejohu 64.300 kuimba’e.

26Zabulon ra’ykuéra: Sered ha hogaguasu; Elon ha hogaguasu; Jahleel ha hogaguasu.

27Ko’ãva hína Zabulon rogaguasukuéra ha ojepapa rire ojejohu 60.500 kuimba’e.

28Jose ra’ykuéra: Manases ha Efrain.

29Manases ra’ykuéra: Maquir ha hogaguasu; ha Maquir ra’y Galaad; ichugui ou Galaad rogaguasu.

30Ko’ãva hína Galaad ra’ykuéra: Jeser ha hogaguasu; Hélec ha hogaguasu;

31Asriel ha hogaguasu; Siquem ha hogaguasu;

32Semida ha hogaguasu; Héfer ha hogaguasu.

33Ha Zelofehad, Héfer ra’y ndaita’ýrai, itajyrakuéramante; ha umi Zelofehad rajykuéra réra: Maala, Noa, Hogla, Mílca ha Tirsa.

34Ko’ãva hína Manases rogaguasukuéra, ha ojepapa rire ojejohu 52.700 kuimba’e.

35Ko’ãva hína Efrain ra’ykuéra: Sutela ha hogaguasu; Béquer ha hogaguasu; Tahan ha hogaguasu.

36Ko’ãva hína Sutela ra’ykuéra: Eran ha hogaguasu.

37Ko’ãva hína Efrain rogaguasukuéra ha ojepapa rire ojejohu 32.500 kuimba’e, Jose ra’y ñemoñarenguéra.

38Benjamin ra’ykuéra: Bela ha hogaguasu; Asbel ha hogaguasu; Ahiram ha hogaguasu;

39Sefufam ha hogaguasu; Hufam ha hogaguasu.

40Ha Bela ra’ykuéra Ard ha Naaman; Ard ha hogaguasu; Naaman ha hogaguasu.

41Ko’ãva hína Benjamin rogaguasukuéra ha ojepapa rire ojejohu 45.600 kuimba’e.

42Ko’ãva hína Dan ra’ykuéra: Suham ha hogaguasu. Ko’ãva hína Dan rogaguasu.

43Suham rogaguasukuéra ojepapa rire ojejohu 64.400 kuimba’e.

44Aser ra’ykuéra: Imna ha hogaguasu; Isvi ha hogaguasu; Bería ha hogaguasu.

45Bería ra’ykuéra: Héber ha hogaguasu; Malquiel ha hogaguasu.

46Ha Aser rajy hérakuri Séra.

47Ko’ãva hína Aser rogaguasukuéra; ha ojepapa rire ojejohu 53.400 kuimba’e.

48Neftali ra’ykuéra: Jahzeel ha hogaguasu; Guni ha hogaguasu;

49Jezer ha hogaguasu; Silem ha hogaguasu.

50Ko’ãva hína Neftali rogaguasukuéra; ha ojepapa rire ojejohu 45.400 kuimba’e.

51Opaite Israel rogaguasukuéra ohupity 601.730 kuimba’e.

Yvy rehegua ñemboja’o

52Ha Ñanderuete oñe’ẽ Moiséspe, ha he’i:

53Ko’ãvape g̃uarã remboja’óta pe yvy imba’erã ramo, herakuéra ojepapa haichaite.

54Umi ogaguasu hetave oikohápe, ilótekuéra ituichaveva’erã, ha umi ogaguasu imbovyve oĩháme, sa’ive reme’ẽva’erã; peteĩteĩvape oñeme’ẽta ilóte hogayguakuéra heta háicha.

55Ha pe yvy oñemboja’óta po’a jeporavo rupi; itríbu rerakuéra rupi oñemboja’óta Canaan yvy.

56Pe po’a jeporavo osẽ háicha oñemboja’óta ijyvyrã umi hetave ha mbovyvéva apytépe.

Ojepapa Levi tríbu

57Levi rogaguasukuéra ojepapava’ekue hogaguasu rupi, ko’ãva hína: Gerson ha hogaguasu; Coat ha hogaguasu; Merari ha hogaguasu.

58Ko’ãva hína ambue Levi rogaguasukuéra: Libni ha hogaguasu; Hebron ha hogaguasu; Mahli ha hogaguasu; Musi ha hogaguasu; Core ha hogaguasu. Ha Coat ra’y Amram.

59Amram rembireko hérakuri Joquebed, kóva peteĩ Levi ñemoñare onaceva’ekue Egíptope; ha’e imemby Amrámgui: Aaron, Moises ha Miriam.

60Ha Aaron ra’ykuéra: Nadab, Abiu, Eleazar ha Itamar.

61Nadab ha Abiu omanova’ekue oikuave’ẽ ramoguare tata ambue Ñanderuete renondépe.

62Levi tríbu kuimba’e ombotymava’ekue guive peteĩ jasy ohupity 23.000 kuimba’e, ndojepapáigui ichupekuéra Israel rogaguasukuéra apytépe, noñeme’ẽigui ichupekuéra ilotekuéra Israel rogaguasukuéra apytépe.

Caleb ha Josue oikove

63Moises ha pa’i Eleazar oipapava’ekue ichupekuéra Moab ñúme, Jordan rembe’ýpe, Jerico rovái.

64Ko’ãva apytépe katu ndaiporivéima avave ojepapa ypyva’ekue Moises ha Aaron rupi Sinai desiértope.

65Ñanderuete he’iva’ekuégui hesekuéra: Omanombataha desiértope opaite iñe’ẽrendu’ỹva, ijapytépe hembýnte mokõi kuimba’e iñe’ẽrendúva, Caleb, Jefon ra’y, ha Josue, Nun ra’y.