Salmokuéra 13 - Biblia en Guaraní - ?anderuete ?e’? Por? 2015

Ñembo’e ojeruréva ñepytyvõ ojepy’apy jave - David purahéi

1Araka’e peve piko, che Ruete, nderesaráita chehegui. Araka’e pevépa reñomíta chehegui nde rova.

2Araka’e pevépa ojepy’apyvéta che ánga, che pyahẽ reheve aiko’aína. Araka’e peve piko opu’ãta cherehe umi cherayhu’ỹva.

3Ema’ẽna ha chembohovaimína, Nde, che Ruete, che Jaratee, ehesape chéve che resakuéra ani hag̃ua ake ha ndapayvéi.

4Ani hag̃ua cherayhu’ỹva he’i: Chepu’aka hese. Anítei ovy’aite umi cherehe ija’e’ỹva, che añepysãnga ramo.

5Che katu ajerovia’aína nde poriahuvereko rehe, ha che py’a horyetéta Nde cheguenohẽ ramo che jejopy vaietégui.

6Apurahéita Ñanderuetépe, chepytyvõ porã haguérehe.