1Pe iñarandúva omopu’ã hóga, ojapo 7 horcon porã.
2Ojuka hymba, ombojehe’a pe víno, ombosako’íma imesa,
3omondo hembiguaikuérape, pe táva ijyvateveha guive osapukái,
4ha he’i oimeraẽ iñarandu katupyry’ỹvape: Eju ko’ápe. Umi iñakãguapy reko’ỹvape he’i:
5Peju, pe’u che pan, ha pemboy’u pe víno che ambojehe’amava’ekue.
6Pepoi pe akãguapy reko’ỹgui peikove hag̃ua, ha peiko akãporã rape rehe.
7Upe ohekombo’eséva heko ñembohorývape, oheka iñemotĩrã; pe oja’óva iñaña rekóvape, oñemongy’ava’erã.
8Ani reja’o pe iñaña rekóvape, ani hag̃ua oñemoĩ nderehe; ehekombo’e pe iñarandúvape ha ha’e nderayhúta.
9Ehekombo’e pe iñarandúvape, ha iñaranduvéta; embo’e pe heko potĩvape ha omboheta hetavéta iñarandu.
10Pe kyhyje Ñanderuetégui ningo pe arandu rapo, ha akãguapy rupi ojekuaáma heko potĩva.
11Pe arandu rupi oñemboheta hetaveva’erã nde rekove arakuéra, ha oñembojoajuveva’erã nde rekovépe heta áño.
12Eikuaa porãke, nearandu ramo, ndejupe g̃uarã mba’e iporãiteha; ha nde reñembohory ramo, ndéve g̃uarã ivaietereiha.
13Pe ivýrova ojogua peteĩ kuña heko vaívape, iñakã rakúvape ha notĩkuaáivape.
14Hóga rokẽme ha’e oguapy peteĩ guapyhaguasu ári, pe táva ijyvatevehápe,
15ohenói hag̃ua umi tape rehe ohasávape, ha ohóva umi tape ikare’ỹva rehe,
16ha he’i oimeraẽ iñarandu katupyry’ỹvape: Eju ko’ápe. Umi iñakãguapy reko’ỹvape he’i:
17Umi y oñemondava’ekue ningo he’ẽ asy, ha pe pan oje’úva ñemiháme ningo heitereive.
18Ha’ekuéra ndoikuaái katu upépe oĩha umi omanomava’ekue; ha umi ha’e ohenóiva oĩha omanomava’ekue retã ruguaitépe.
Who We AreWhat We EelieveWhat We Do
2025 by iamachristian.org,Inc All rights reserved.
