1Che hermanokuéra, che aha ramoguare pene rendápe amombe’u hag̃ua peẽme Ñanderuete rembipota ñemi, ndahaiva’ekue kuimba’e arandu reheve ni ñe’ẽ poravopyre reheve.
2Nahi’ãigui chéve aikuaa mba’evete pende apytépe. Hesu Crístopemante, pe oñemosãingova’ekue kurusúre ichupénte ambotuichase.
3Che aikova’ekue pende apytépe kangy, kyhyje ha ryrýi tuichaite reheve.
4Ha che ñe’ẽ amombe’úva ha ambohasáva peẽme ndaha’éi yvy arigua arandúgui, Ñanderuete Pytu Porãite pu’akágui uvei,
5ani hag̃ua peẽ pemopu’ã pende jerovia kuimba’e arandu ári, Ñanderuete pu’aka árinte uvei.
Ñanderuete arandu6Pe arandu ore roiporúva rohupity hag̃ua umi oñembosako’ívape, ndaha’éi arandu ko ára atyguasu reheguáva, ni umi mburuvichaguasu arandu, ha’ekuéra oiporúva katuete opa reítava ko ára atyguasúpe,
7ore romombe’u uvei Ñanderuete arandu, Ha’e oñongatuva’ekue ko arandu kóva umi ára atyguasukue rupi imba’e ñemi ramo, ñande jahecha ha jaikove hag̃ua Ñanderuete reko jajaipápe.
8Koichagua arandu tetã ruvichakuéra ko ára atyguasu kóvape ndoikuaái, oikuaa rire nomosãingoiva’erãmo’ã Ñandejára Hesu Crístope kurusúre.
9Ojehu ningo ojehai haguéicha Ñanderuete kuatiañe’ẽme: Kuimba’e ha kuña resa ndohechaiva’ekue, ijapysa nohenduiva’ekue ha ipy’apýpe naheñoiriva’ekue, Ñanderuete ombosako’íma umi ichupe ohayhúvape g̃uarã, (Isaías 64,4).
10Ko’ã mba’e Ñanderuete ohechauka ñandéve Pytu Porãmbáva rupi, pe Pytu Porãmbáva ningo oikuaauka opaite mba’e, Ñanderuete py’apy pypukuvehápe oĩva jepe.
11Mávapa oikuaa umi mba’e oĩva kuimba’e ha kuña py’apýpe, ipytu porãmante. Upéicha avei Ñanderuete Pytu Porãite oikuaa Ñanderuete py’apýpe oĩva guive.
12Noñeme’ẽiva’ekue ñandéve ko yvy arigua pytu, oñeme’ẽ uvei ñandéve pe Pytu Porãmbáva oúva Ñanderuetégui, jaikuaa hag̃ua pe jopói (regálo) Ha’e ome’ẽmava ñandéve.
13Ko’ã mba’e ko’ãva rehe nañañe’ẽi kuimba’e arandu rupi, ñañe’ẽ uvei Pytu Porãmbáva arandu rupi, ojekuaa hag̃ua umi mba’e Pytu Porã reheguáva ouha Pytu Porãmbáva rupi.
14Kuimba’e ha kuñakuéra ojepy’apýnte ko yvy arigua mba’e rehe, noñemomba’eséi Ñanderuete Pytu Porãite rehegua mba’e rehe, ichupe g̃uarã ningo ko’ã mba’e Pytu Porã reheguáva výro rei.
15Upe oguerekóva Ñanderuete Pytu Porãite ombojovakekuaa opaite mba’e, avave katu nombojovakekuaái ichupe hekópe.
16Máva piko oikuaa Ñanderuete pensamiénto, ikatu hag̃ua ombo’ekuaa ichupe; ñande katu jaguerekóva Hesu Crísto pensamiénto.
Who We AreWhat We EelieveWhat We Do
2025 by iamachristian.org,Inc All rights reserved.
