1Eliu ombojoajuve iñe’ẽ ha he’:
2Chera’ãrõ sapy’aitemi che rombo’eve hag̃ua, areko gueteri ñe’ẽ hekoite pegua ha’eva’erãva Ñanderuete rehehápe.
3Mombyrýgui aruse che arandu ahechauka hag̃ua Ñanderuete ombojovake porãmba hague.
4Añetehápe che ndachejapúi che ñe’ẽ rupi, peteĩ iñaranduetéva oĩ ne renondépe.
5Ema’ẽ porãke, Ñanderuete ituichaite ha Ha’e iñaranduete.
6Ndohejái iñañáva oikove puku, oipytyvõ katu ohasa asývape.
7Ñanderuete nomboykemo’ãi hesa umi heko porãvagui, omoĩta uvei ichupekuéra tetã ruvicha guapyhaguasúpe opaite árape, ombotuicha hag̃ua ichupekuéra.
8Sapy’a katu ojejokuárõ cadénare, ha ohasa asy,
9Ha’e ohechaukáta ichupekuéra hembiapo vaikue, oñemoĩ haguére hese.
10Ha omombáy ijapysakuéra oñemboheko porã jevy hag̃ua, ha he’íta ichupekuéra opoi hag̃ua hembiapo vaígui.
11Iñe’ẽrendu ramo Ñanderuetépe ha ojapo ramo hembipota, mba’eporã og̃uahẽta henonderãme ha ovy’áta ha’e oikove aja.
12Ha naiñe’ẽrendúi ramo oñehundíta kyse puku rupi, ha omanóta arandu’ỹre.
13Ha umi hova mokõiva omono’õ ipy’apýpe ipochy ha nomba’ejerure asymo’ãi Ha’e oñapytĩ jave ichupekuéra.
14Hi’ánga omanova’erã imitãrusu jave, ha heko tie’ỹ opa pya’eva’erã ku kuimba’ oikóvo ambue kuimba’e ndive kuña ramoguáicha.
15Umi oñemomirĩvape katu Ha’e oipytyvõta oñemomirĩ haguére, ha ijejopy rupi Ha’e omombáyta ichupekuéra ijapysa ohendu porãve hag̃ua.
16Upéicha Ha’e neguenohẽta avei nde jejopy vaígui ndegueraha hag̃ua yvy pehẽngue porãháme ombosako’i hag̃ua ndéve peteĩ mesa henyhẽva tembi’u porãgui.
17Nde remyenyhẽgui nde py’a mba’evaígui, ko ñembojovake kóva nderupitýma.
18Nde ndepochýgui anítei reñembohory rejepopetévo orerehe ha anítei reimo’ã nde pirapireita ndesalvakuaa.
19Nde reme’ẽmba ramojepe ha resapukái hatã ramojepe resẽkuaánepa nde jehasa asýgui.
20Ani ndepy’ahótei pyhare ñemano rehe, tetãnguéra oñehundiháme.
21Cháke, eñangarekóna ndejehe, ani rejevýtei teko ky’ápe, kóva nde reiporavoseve voi jehasa asýgui.
22Ema’ẽ porãke, Ñanderuete pu’aka ituichaitereiha, moõitépa jajohukuaáne koichagua mbo’ehára.
23Mávapa he’imava’ekue Ñanderuetépe Ha’e ojapova’erãva térã mávapa he’i ichupe: Rejapo vai.
24Nemandu’ákena Ñanderuete rembiapokue rehe, ha emomba’eguasu ichupe umi ambue kuimba’e ha kuñakuéra ojapo háicha ipuraheikuéra rupi.
25Mayma yvyarigua ohecha ramojepe hembiapokue ndohecha porãmbái oñemomombyryete rupi Ñanderuetégui.
26Eikuaa porãke, Ñanderuete ituichaitereiha, ndajaikuaái hi’añokuéra ha yvyariguakuéra oñeha’ãmba ramojepe oikuaa hag̃ua hi’añokuéra ndoikuaamo’ãi araka’eve.
27Umi ytyky Ha’e oguenohẽ yguasúgui ha ama rupi ho’a jevy yvýre.
28Pe ama osẽ araikuéragui, otyky hag̃ua tetãyguakuéra ári.
29Mávapa oikuaa porã umi arai aty tuichakue, ha pe arasunu Ha’e oikohápe.
30Ema’ẽ porãke, Ha’e omyasãi tesape ijerekuévo ha oñu’ã pe ára rugua paha peve.
31Ha péva rupi omongaru tetãnguérape, omohyg̃uatã hag̃ua ichupekuéra.
32Ipo mokõi reheve oity umi aratiri umi hese oñemoĩsévare.
33Pe arasunu omombe’u Ha’e ipochyha, ha umía rupi Ha’e oinupã umi hese ija’e’ỹvape.
Who We AreWhat We EelieveWhat We Do
2025 by iamachristian.org,Inc All rights reserved.
