1Pepurahéi joa Ñanderuetépe peteĩ purahéi ipyahúva, opaite tetã pepurahéi Ñanderuetépe.
2Pepurahéi joa Ñanderuetépe, pemomba’eguasu héra, pemombe’u opaite árape hembiapo tuichaitéva.
3Peikuaauka Ñanderuete reko jajaipa tetãnguérape, ha mayma tetã tohendu hembiapo techapyrãva.
4Mba’eguasuete ningo Ñanderuete, ha hekoitépe ñamomba’eguasu ichupe, jakyhyjeve ichugui opaite ambue járagui.
5Opaite tetã jára, oĩva guive, ta’ãngánte, Ñanderuete katu yvagakuéra apohare voi.
6Herakuã porã ha heko jajaipa oho henonderãme, pu’aka ha heko jajaipa omyenyhẽ hogaguasúpe.
7Tetãnguéra peikuave’ẽ Ñanderuetépe g̃uarã, pemombe’u porã ha pemomba’eguasu ichupe.
8Hekoitépe pemombe’u heraguasuete, pegueru pene kuave’ẽmby, hogaguasu korapýpe.
9Peñesũ Ñanderuete renondépe pende jeguaka porã reheve.
10Peikuaauka tetãnguéra apytépe Ñanderuete oisãmbyhyha. Ha’e omohenda porã ko yvy ipyrenda ári ani hag̃ua oku’e. Ha’e ombojovake tetãnguérape ijustícia hekoitépe.
11Upévare tovy’a umi yvága ha tahoryete pe yvy, ha tahyapu pe yguasu opaite mba’e reheve oĩva guive ipype.
12Tahoryete pe ñu ha opaite mba’e ipype oĩva guive, ha opaite yvyra ka’aguy pegua tahenyhẽ vy’águi,
13ore Ruete renondépe Ha’e oúrõ g̃uarã. Ha’e og̃uahẽ ramo ombojovakéta ko yvy. Ombojovakéta ijustícia rupi ko yvy ha tetãnguérape iñe’ẽ añetegua rupi.
Who We AreWhat We EelieveWhat We Do
2025 by iamachristian.org,Inc All rights reserved.
