1Ha oipe’ávo pe ta’ãnga jopyha (séllo) 7-ha okirirĩmbaite opavave oĩva guive yvágape média hóra rupi.
2Ha ahecha umi 7 yvága rembiguái oñembo’ýva Ñanderuete renondépe, ha oñeme’ẽ ichupekuéra 7 turu.
3Upérõ ou ambue yvága rembiguái ha oñembo’y pe kuave’ẽmby renda renondépe, ipópe oguereko peteĩ mba’yru oroguiguáva omohatatĩ hag̃ua mba’e hyakuã porãva, ha oñeme’ẽva’ekue ichupe, heta mba’e hyakuã porãva oikuave’ẽ ha oñembojehe’a hag̃ua heko potĩva ñembo’e reheve pe kuave’ẽmby renda oroguiguáva ári, oĩva pe guapyhaguasu renondépe.
4Ha pe mba’e ryakuã porã ratatĩngue ojehe’a heko potĩva ñembo’e reheve ojupi hag̃ua yvága rembiguái pógui Ñanderuete rendápe.
5Upéi pe yvága rembiguái ojapyhy pe mba’yru oroguiguáva omohatatĩ hag̃ua mba’e ryakuã porã ha omyenyhẽ tatapỹigui pe kuave’ẽmby renda ratágui oity hag̃ua yvy ape ári, ha upevovete oiko arasunu, ñe’ẽpu, aratiri ha yvy ryrýi.
7 turu (trompéta)6Ha umi 7 yvága rembiguái, peteĩteĩva oguereko ipópe peteĩ turu oñembosako’ímava ombopu hag̃ua:
7Ha pe yvága rembiguái peteĩha ombopúvo ituru ho’a yvy ári amandáu ha tata ojehe’áva tuguy reheve, ha okái pe yvy párte mbohapyha (vore mbohapyha) yvy apégui, ha pe yvyra párte mbohapyha ha opaichagua kapi’i hovýva okái avei.
8Ha pe yvága rembiguái mokõiha ombopúvo ituru ho’a peteĩ mba’e ndetuichaitéva yguasúpe, peteĩ mba’e ojoguáva cérro hendývape, ha pe yguasu pegua párte mbohapyhágui oiko tuguy.
9Ha pe párte mbohapyha umi yvyarigua oikóva guive yguasúpe omano, ha pe párte mbohapyha barcokuéra apytégui oñehundipa avei.
10Ha pe yvága rembiguái mbohapyha ombopúvo ituru peteĩ jasytata ndetuicha hendýva tata rendýicha ho’a áragui ha ho’a opaite ysyry ha yvu párte mbohapyha ári.
11Ha upe jasytata réra ningo ajénjo (ka’avo iroitéva) ha pe párte (vore) mbohapyha ýgui opyta iropa, ha heta tetãyguakuéra omano pe y rupi, iroitégui.
12Ha pe yvága rembiguái irundyha ombopúvo ituru pe kuarahy párte mbohapyha ha pe jasy párte mbohapyha ha umi jasytata párte mbohapyha iñypytũmba ha ndohesapevéi pe ára, ha upéicha avei pe pyhare párte mbohapyha.
13Ha ama’ẽvo ahecha peteĩ ñapykani ovevéva ára mbyte rupi ha ahendu he’íva ñe’ẽpuguasúpe: Angái, angái, angái umi oikóva yvy apére ohasa asyetereiva’erã umi mbohapy yvága rembiguái ombopu vove avei iturukuéra.
Who We AreWhat We EelieveWhat We Do
2025 by iamachristian.org,Inc All rights reserved.
