1Job ombojoapy iñe’ẽ ha he’i:
2Añetehápe che aikuaa porã Ñanderuete oikoveha, upéicha aikuaa porã avei Ha’e oipe’a hague chehegui imborayhu ha pe Ipu’akapavéva chemyangekõiha.
3Añetehápe opaite árape che ánga oĩ aja chepype ha oĩ aja Ñanderuete Pytu Porãite che tĩme (che rekovépe),
4che rembekuéra nde’irichéne heko pegua’ỹva, ha che juru ndaijapumo’ãi.
5Taimombyryete chehegui amoneĩ hag̃ua pene ñe’ẽ, amano meve namboykemo’ãi che reko potĩ.
6Ajejoko che reko potĩ rehe, ha ndapoimo’ãi ichugui aikove aja pukukue; che py’apyñe’ẽ ndachesu’úi (ndacheacusái, ndachekarãiri).
7Toiko iñañávaicha cherehe ija’e’ỹva, ha heko ky’ávaicha umi oñemoĩva cherehe.
8Mba’épa pe iñañáva oha’ãrõkuaa, omonda heta ramojepe, og̃uahẽta katuete pe ára Ñanderuete oipe’ataha avei hi’ánga ichugui.
9Ñanderuete piko ohendúne isapukái asy ojepy’apyete jave.
10Ojeroviakuaánepa Ñanderuete rehe térãpa ohenoikuaáne Ñanderuetépe opaite árape ha’e oipota háicha.
11Che ahechaukáta peẽme Ñanderuete pu’aka, nañomimo’ãi pendehegui Ñanderuete pu’aka.
12Pema’ẽ porãke, peẽ pehechapáma che rekove, ha mba’érehe piko pejapo pendejehegui mba’e ovale’ỹetéva.
13Ko’ã mba’e Ñanderuete ome’ẽ iñañávape g̃uarã; ha umi oñembotuicháva henondépe Ha’e ohavirava’erã.
14Ita’yrakuéra oñembohetárõ jepe pe kyse puku oha’ãrõta ichupekuéra térã iñemoñare michĩmíva nahyg̃uatãmo’ãi.
15Ha mba’asy iñasãiva ojukáta iñemoñare hembývape, ha hembirekokuéra ndojahe’omo’ãi hesekuéra.
16Jepémo omono’õra’e pirapire yvy timbóicha, ha ñay’ũicha omboheta ramo ijaokuéra,
17ha’e ombosako’i porãmba ramo jepe ijupe g̃uarã; peteĩ heko potĩva omondéta ijaorã ha hi’ánga porãvape oñeme’ẽta ipirapireita.
18Ha’e ojehoga’apo porã ramojepe opa reíta ku polilla ho’úrõ guáicha ao ha pe tapỹi omopu’ãva ikokuépe ho’a reíta.
19Peteĩ kuimba’e oñenokuaa oke hag̃ua ipirapire heta reheve ha opáy rire ndoguerekovéima mba’eve.
20Pe kyhyjeguasu ohupity ichupe ku y osyry hatãvaicha ha pyharekuépe pe yvytu ratã ogueraha ichupe.
21Pe yvytu kuarahy resẽguio oúva ogueraha ichupe hógagui.
22Ñanderuete katu ojeity hi’ári, oiporiahuvereko’ỹre, ha’e oñeha’ãmba reíta okañy hag̃ua ipógui.
23Hapykuéri ojepopeteva’erã hese, ha hogakue guive oñembohory hese hikuái oturuñe’ẽvo.
Who We AreWhat We EelieveWhat We Do
2025 by iamachristian.org,Inc All rights reserved.
