1Mávapa iñarandu, ha mávapa oikuaa mba’épa he’ise opaite mba’e. Arandu ningo ohesape tapicha rováre, ha upe tapicha hova pukúva katu oñemoambueve ohóvo avei hova.
2Che ha’e ejapo hag̃ua hekoitépe tetã ruvicha rembipota repromete haguéicha Ñanderuetépe.
3Aníke resẽ pya’ete ijypýgui, ha ani rejetu’u tu’u mba’evai rehe; cháke Ha’e ojapóta katuete ojaposéva guive nderehe.
4Pe tetã ruvicha ñe’ẽ ningo oguereko pu’aka, ha mávapa he’íta ichupe: Mba’épa rejapose.
5Upe ojapóva hembipota natekotevẽi okyhyje; ha pe iñarandúva py’apy oikuaa porã araka’épa ha mba’eichaitépa ojapo hembipota.
6Pe iñarandúva ningo ojohúta pe hóra ha pe tape, pe tekove ñaña katu nahániri, opaite mba’e ojopy ichupe.
7Ha’e ndoikuaái henonderã; ha mávapa he’ikuaáne ichupe mba’éichatapa hembiaporã.
8Ndaipóri tapicha oguerekóva pu’aka ojoko hag̃ua Ñanderuete rembipota térã iñemanoha ára; ha avave ndojokomo’ãi pe ñorãirõ oñepyrũ rire ha ñaña reko jepeve noipytyvõmo’ãi iñañávape.
9Ahechapákuri ko’ã mba’e ha amoĩkuri che py’apýpe ojehúva guive ko yvy apére, oĩ ningo umi tetã ruvicha oiporu vaíva ipu’aka ombyai hag̃ua hapicha rekove.
Tekove jejuavy10Ahecha avei mba’éichapa oñeñotỹ tekove ñaña retekue oñemomba’eguasu hag̃ua ichupe, ha pe heko porãva retekue oñotỹ vai vai hikuái ha ojeheja tesaráipe. Ko’ã mba’e ko’ãva mba’e reiete avei.
11Ndojehavira pya’éigui pe hembiapo vaívape, yvyariguakuéra ojapo joaite mba’evai.
12Pe iñañáva ojapo vai ramojepe 100 tembiapo vai; upeichavéramo jepe ojeheja ha’e oikove puku; aikuaa porã jepe ipahápe pe heko potĩvape g̃uarã opaite mba’e oho porãmbaha, okyhyjégui Ñanderuetégui.
13Ha pe iñañáva ohasa asy ha hekove noñemombukuvemo’ãi, pe kuarahy’ã oñemombuku háicha, ndokyhyjéi haguére Ñanderuetégui.
14Oĩ ningo heta mba’e reiete ojejapóva ko yvy apére; oĩ ningo heko potĩva ohasa asyetéva ojapo vaiete ramoguáicha, ha oĩ ningo iñañáva ohasa porãitéva heko potĩva rembiapo ojapo ramoguáicha. Ha che ha’e ko’ã heko nandiha.
15Upéicharupi che amomba’e pe vy’a. Pe tapicha okaru ha omboy’u porãva ovy’aite, ha ko vy’a kóva tomoirũ ichupe omba’apo ha oikove aja pukukue yvy apére Ñanderuete oipotaha peve.
16Añeha’ãmba katu aikuaa hag̃ua mba’eichagua arandu rupípa opaite mba’e ojehu ko yvy apére;
17ahecha porã katu ñande ndaikatuiha jaikuaa porã mba’éichapa Ñanderuete ojapopa hembiapo, ha pe tapicha ndokeiete ramojepe ára ni pyhare pukukuépe iñaranduete rupi ndoikuaamo’ãi Ñanderuete arandu ipypukuetégui, jepémo oĩ ramo umi he’íva ijehe oikuaaha pe arandu péva.
Who We AreWhat We EelieveWhat We Do
2025 by iamachristian.org,Inc All rights reserved.
