1Ha ko’ã mba’e rire, ha Ezequías oiko porã rire Ñanderuete resápe, ou Senaquerib, Asíria retã ruvicha ha ojasuru Juda retãpy rehe, ha ombyaty isoldadokuéra umi táva oñemongorava’ekue renondépe, omoĩ hag̃uáicha ipoguýpe.
2Ha Ezequías ohechávo Senaquerib ouha ojeity hag̃uáicha avei Jerusalen ári,
3oporandu mburuvichakuérape ha ipoguypegua kuimba’e ipy’aguasúvape, iporãpa ojejaty ramo umi yvu oĩva táva tápia mboypýri; ha ha’ekuéra omoneĩ.
4Upémaramo heta hetãyguakuéra ojatypa opaite yvukuéra, ha pe yakã osyrýva upe tetãpy rupi ha he’i: Mba’érehe piko umi Asíria retã ruvicha ojohúta yeta ou vove.
5Upéi kyre’ỹpópe Ezequías omopu’ãukapa jevy pe táva tápia yvate ho’a hague rupi, ha omopu’ãukave umi óga yvatekuéra (tórre) ha ambue táva tápia yvate oka gotyogua; ha omombarete avei Milo, David távape, ha ojapouka avei heta kyse puku ha soldádo retemo’ãha.
6Ha omoĩ tetãyguakuéra ári umi ñorãirõhára ruvichakuéra ipy’aguasúva ha ombyatyukapa hetãyguakuérape pe táva rokẽ megua plázape ha oñe’ẽ ipy’apýpe he’ívo:
7Peñeha’ãke ha peñembohetia’éke, ani pekyhyjétei Asíria retã ruvichágui ha pe atyguasuete hendive oúvagui; hetave oĩ ñanendive, hendive oĩvagui.
8Hendive oĩ pu’aka yvyarigua, ha ñanendive oĩ Ñanderuete, ñanepytyvõva ha oñorãirõva ñane ñorãirõme. Ha hetãyguakuéra ojerovia Ezequías, Juda retã ruvicha ñe’ẽ rehe.
9Ko’ã mba’e rire, Senaquerib, Asíria retã ruvicha, omongora aja Laquíspe isoldádo aty tuichakue reheve, omondo hembiguaikuérape Jerusalénpe he’iuka hag̃ua Ezequías, Juda retã ruvichápe, ha opaite Judayguakuérape oikóva guive Jerusalénpe.
10Péicha he’iuka Asíria retã ruvicha: Mávarehe piko peẽ pejerovia, pemboty porã haguére Jerusalen tapiakuéra.
11Napenembotavýi piko Ezequías pendejukapa hag̃ua, penemoñembyahýi ha penemboy’uhéi hag̃ua, he’ívo: Jahve ñaneguenohẽta Asíria retã ruvicha pógui.
12Ndaha’éi piko Ezequías voi pe oipe’apava’ekue umi yvy yvatekuéra ha ikuave’ẽmby rendakuéra ha he’iva’ekue Juda ha Jerusalenguápe: Ñanderuete kuave’ẽmby renda renondépe añoite pemomba’eguasuva’erã ha hi’árimante pehapyva’erã mba’e ryakuã porã.
13Ndapeikuaái piko peẽ, che ha che rukuéra rojapova’ekue opaite yvy arigua tetãnguéra rehe. Ikatúpara’e umi tetã jarakuéra osalva hetãnguéra che pógui.
14Mavaitépa umi tetã apytégui che rukuéra ohundiva’ekue, ikatuva’ekue osalva hetãme che pógui, ha mba’éichapa pende Jára ikatúta peneguenohẽ che pógui.
15Ko’ág̃a aníke penembotavýtei Ezequías, ha aníke ha’e ogueroviauka peẽme péicha, ha ani pegueroviátei ichupe; ndaipóri voi peteĩ jára umi tetãnguéra apytégui osalvava’ekue hetãme che pógui, ha che rukuéra pógui, ha ko’ytevépa ikatúta pende Jára peneguenohẽ che pógui.
16Ha heta mba’e he’ive Ñanderuete, pe Jaraitéva rehe, ha hembiguái Ezequías rehe.
17Ha ko’ã mba’e ári ohai avei peteĩ kuatiañe’ẽ oñe’ẽvaive hag̃ua Ñanderuete, Israel Jára rehe, ha péicha oñe’ẽ hese: Umi tetã jára ndaikatúi haguéicha osalva hetãnguérape che pógui, peichaite avei Ezequías Jára ndaikatumo’ãi pendesalva che pógui.
18Ha hatã osapukái hikuái Judaygua ñe’ẽme, umi Jerusalenguápe oĩvahína táva tápia yvate ári, omongyhyje hag̃ua ichupekuéra, ikatu hag̃uáicha omoĩ ipoguýpe pe táva.
19Péicha oñe’ẽvai Jerusalen Jára rehe, umi yvy arigua tetãnguéra jára rehe ramoguáicha, umía ningo yvyariguakuéra rembiapokue voi.
Ñanderuete oipytyvõ Ezequíaspe20Ha tetã ruvicha Ezequías ha proféta Isaías, Amos ra’y, oñembo’e hikuái ko’ã mba’e rehe, ha omba’ejerure Yvága Járape.
21Ha Ñanderuete ombou peteĩ yvága rembiguái (ángel) ohundi hag̃ua opaite Asiriaygua ipy’aguasúva ha ikatupyrývape, isoldádo ruvichakuéra ndive. Upéi Senaquerib oho jevy hetãme ñemotĩ tuichaite reheve; ha oikévo ijára tupãópe, upépe ita’yrakuéra voi ojuka ichupe kyse pukúpe.
22Péicha Ñanderuete osalva Ezequíaspe ha Jerusalenguakuérape, Senaquerib, Asíria retã ruvicha pógui, ha opaite ambue hese ija’e’ỹva pógui; ha ome’ẽ ichupe py’aguapy opaite tetã oikóva guive ijerekuévope.
23Ha oĩ heta oguerúva kuave’ẽmby Jerusalénpe Ñanderuetépe g̃uarã, ha jopói hepýva Ezequías, Juda retã ruvichápe g̃uarã upeguive oñemosarambi herakuãguasu opaite tetãnguéra rupi.
Ezequías mba’asy24Umi ára umívape Ezequías hasyete omano hag̃uaichaite; ha oñembo’e Ñanderuetépe; ha Ha’e ohendu ha ome’ẽ ichupe peteĩ mba’e techapyrã.
25Ezequías katu nomba’erechakuaái pe mba’eporã ojejapova’ekue hese, ha ou oñembotuicha ipy’apýpe, upévare Ñanderuete ohavira ichupe, Jerusalengua ha Judayguakuérape avei.
26Ha Ezequías oñembotuicha rire ipy’apýpe, oñemomirĩete jevy, ha’e ha Jerusalenguakuéra avei, upévare ndoúi hi’arikuéra Ñanderuete pochy Ezequías oikove aja.
Ezequías omog̃uahẽ Babilónia remimboukuérape hógape27Ha Ezequías oguereko mba’erepyeta ha herakuã porãite; ha oguereko mba’erepy pláta ha óro, ita vera hepýva, mba’e ryakuã porã, soldádo retemo’ãha ha opaichagua jeguaka ojepotaitéva.
28Upéicha avei ojapo ogaguasu (depósito) oñongatu hag̃ua heta kóga ra’ỹinguéra, víno ha acéite, ha omopu’ã opaichagua tymba róga ha tymba korapy.
29Oguereko avei tavakuéra imba’e teéva ha ovecha ha vaka aty hetáva; Ñanderuete ome’ẽgui ichupe mba’erepyeta.
30Ko Ezequías ombotyva’ekue umi yvu oĩva Gihon yvatévo, ombohape ha ogueru hag̃ua pe y kuarahyreikéguio David távape. Ha osẽ porãmba Ezequíaspe opaite tembiapo ojapóva guive.
31Ha umi temimbou, Babilónia ruvichakuéra ombouva’ekue, oikuaase pe techapyrãguasuete ojehuva’ekue hetãpýpe; Ñanderuete katu oheja ichupe ojepy’ara’ã hag̃ua, ha ohechauka hag̃ua umi mba’e oĩva guive ipy’apýpe.
Ezequías ñemano32Ambue Ezequías rembiapokue ha iporiahuvereko ojehaipa pe proféta Isaías, Amos ra’y, ha umi Juda ha Israel retã ruvicha rembiapokue kuatiañe’ẽme.
33Ha Ezequías omano rire oñeñotỹ ichupe David ñemoñarenguéra tyvy ijyvatevehápe, ha opaite Juda ha Jerusalengua omomba’eguasu ichupe imanóme, ha ita’ýra Manases oisãmbyhy hendaguépe.
Who We AreWhat We EelieveWhat We Do
2025 by iamachristian.org,Inc All rights reserved.
