Salmokuéra 2 - Biblia en Guaraní - ?anderuete ?e’? Por? 2015

Hesu Crísto, pe mburuvichaguasu

1Mba’erã piko opu’ã pu’ã umi tríbu ha tetãnguéra ojepy’amongetávo mba’e rei rehe.

2Opu’ã joa umi yvy pegua tetã ruvicha ha mburuvichakuéra oñemoĩ hag̃ua Ñanderuete rehe pe Ha’e oiporavova’ekuére (Hesu Crístore), ha he’i hikuái:

3Ñamondohóna itukumbokuéra ñaneapytĩva ha ñamombo ñandejehegui isãnguéra.

4Pe yvágape Oikóva katu opuka hesekuéra, Ñanderuete oñembohory hesekuéra.

5Og̃uahẽta katuete pe ára Ha’e oñe’ẽ hag̃ua ha ipochy hag̃ua ha ombopy’atarováta ichupekuéra.

6Che voi katu amoĩma ichupe tetã ruvicha Jerusalen guapyhápe, che cérro aiporavova’ekuépe.

7Che amyasãita iñe’ẽ, Ñanderuete he’i voi chéve: Nde ningo che Ra’y, ha ko ára Che romoñemoña.

8Ejeruréna chéve ha ame’ẽta ndéve umi tetãnguéra, ne mba’etee ramo pe yvy rembe’y paha peve.

9Nde yvyra po’i hiérro peguápe rejokáta ichupekuéra, ku mba’yru ñay’ũguigua ojejoka háicha, upéicha remongu’ipáta ichupekuéra.

10Penearandúkena ko’ág̃a peẽ tetã ruvichakuéra, ha peẽ tetã mbojovakehára pejehekombo’eukákena.

11Peñemomirĩ kyhyje ha ryryipópe Ñanderuete renondépe ha pemomba’eguasu ichupe.

12Pemomba’eguasúke Ita’ýrape, ani hag̃ua pemanomba tapére sapy’aitépe ipochy rupi. Ovy’aite ningo opaite umi ojeroviáva Ñanderuete rehe.