1Che Jaravusu, Nde ningo oremo’ãva ymaite guive ko’ág̃a peve.
2Umi cérro oiko mboyve ha rejapo mboyve ko yvy ha umi mbyja atykuéra, ymaiterei guive opaite ára peve, Nde, ore Ruete, reĩreína.
3Nde remboyvy timbo jevy kuimba’e ha kuñakuérape ha ere: Pejevy peju haguégui.
4 Mil áño ningo nde resa renondépe ha’ete ku ára kuehe ohasava’ekuéicha, térã umi hóra peteĩ tahachi oñangarekóvaicha pyharekuépe.
5Nde regueraha ichupekuéra ku y osyry hatãvaicha, ojogua peteĩ kuimba’épe okevahína sapy’aite pyharevekuépe, ku ñana okakuaávaicha pyharevekuépe ha ka’aru ipirupáma.
6Pyharevekuépe ipoty, okakuaahína, ka’aru katu haviru ha ipirupa.
7Ne ñeko’õi oremyangekõi ha nde pochy oremondyipa.
8Nde remyasãi ore rembiapo vai ne renondépe ha rojepy’amongetáva guive Nde remoĩ nde resa renondépe.
9Nde pochy orendive omombyky ore rekove ára ha ore rekove ohasa peteĩ pytuhẽ pukúicha.
10Ñande rekove pukukue ohupitýne 70 áño rupi, ha umi imbaretevéva ohupitýne 80 áño, upeaja katu ñamba’apo pohýi ha jahasa asy, pya’eiterei ohasa ñande rekove, ku ovevévaicha.
11Mávapa ohechakuaa nde pochy ha nde pu’aka, opavave oiko okyhyje rõguáicha nde pochýgui.
12Upévagui orembo’e toroipapa ore rekove arakuéra, ore rohupity hag̃ua pe aranduteéva (ndehegui).
13Eñemboja jevýna orerehe, Nde, ore Ruete. Araka’e pevépa Nde ndepochyse. Eiporiahuverekomína ne rembiguáipe.
14Pyharevekuépe oremohyg̃uatã nde jeporiahuverekógui, upévare ropurahéi rovy’a hag̃ua roikove aja pukukue.
15Orembovy’ákena Nde orepy’apy haguéichama, ha umi áño rohasa asýva emyengovia rohasa porã hag̃ua.
16Ne rembiguaikuéra tohechakuaa ne rembiapokue, ha ita’yrakuéra tohecha nde reko jajaipa.
17Ore Ruete, ore Jára, ndepy’a porã orendive, upévagui ehovasami ore po rembiapo, añetehápe, ehovasa ore po rembiapo.
Who We AreWhat We EelieveWhat We Do
2025 by iamachristian.org,Inc All rights reserved.
