1Ojehu ningo umi mba’e áño 30-hápe, jasy irundyhápe, ára 5-hápe che aĩ jave aína Quebar ysyry rembe’ýpe umi Israel jepokuapyha oikohápe, ojepe’a umi yvága ha ahecha che payetépe (visiónpe) umi ta’ãnga oúva Ñanderuetégui.
2Péva ojehu 5 áño haguépe, pe ára 5-hápe ojegueraha rire Joaquin, Israel retã ruvichápe, Babilónia retãme.
3Ñanderuete ñe’ẽ ou pa’i Ezequiélpe, Buzi ra’y, oĩ aja Babilónia retãme, pe ysyry Quebar rembe’ýpe; ha upépe Ñanderuete po ou hi’ári.
4Ha ama’ẽ, ha péina ápe nórteguio ouhína peteĩ yvytu atã ha peteĩ arai tuicháva tata rendy oñu’ãmbáva, ijerekue rehe peteĩ tesape ojajáiva, ha pe tata rendy mbytépe peteĩ mba’e ojoguáva brónce omimbipávape.
5Ha imbytépe ojehecha irundy tekove, hetekuéra katu ojogua kuimba’épe.
6Peteĩteĩva hova irundy ha ipepo irundy avei.
7Ha ipykuéra naikarẽi, ojogua tóro ra’yrusu pysãpẽme; ha overa ku brónce overa porãváicha.
8Ha ipepokuéra guýpe, irundyve yke gotýo, oĩ ipo yvyariguáicha; hova ha ipepokuéra oĩ irundyve ijyke gotýo.
9Ipepokuéra rupive oñemboja ojuehe. Hovakuéra ndojeréi oguata jave, peteĩteĩva oguata henonderã gotýo, ojere’ỹre.
10Umi tekove rova ojogua henondéguio kuimba’e rovápe, ijakatúaguio leõ rovápe, ijasúguio ojogua tóro rovápe ha hapykuéguio katu ojogua ñapykaníme.
11Hovakuéra ha ipepokuéra ojepyso yvate gotýo. Mokõi opoko ojuehe, ha ambue mokõi reheve omo’ã hete.
12Ha peteĩteĩva oguata henonderã gotýo oñemboyke’ỹre; ha oho hikuái Ñanderuete Pytu Porãite oguerahahápe.
13Ha umi tekove ojogua tatapỹi hendývape, ku tata’ýicha ou ha ohóva ijapytepekuéra, ha pe tata ojajái, ha upe tatágui osẽ aratiri.
14Ha umi tekove ou ha oho ñaniháme ku aratirícha.
15Ha ama’ẽ jave umi tekove rehe, péina ápe ahecha umi irundy tekove ykére oĩha irundy ruéda.
16Umi ruéda ojogua ita vera sa’yjúpe. Ha irundyvéva ojojoguapa joaite; ha’eténte oĩva peteĩ ruéda ambue ruéda ryepýpe.
17Ha oguata jave hikuái, ha’ekuéra oguata irundyve yke gotýo; ha oguata jave noñemboykéi oma’ẽ hag̃ua hapykuévo.
18Ha umi ruéda llánta ijyvate ha oporomongyhyjéva, ha pe llánta jerekuévo henyhẽte teságui.
19Ha umi tekove oguata jave, umi ruéda ojere avei ijykére; ha umi tekove opu’ã ramo yvýgui, umi ruéda opu’ã avei.
20Ñanderuete Pytu Porãite oipotahápe oho hikuái ha opu’ã avei umi ruéda hapykuéri; umi tekove pytu porã oĩgui umi ruedapýpe.
21Umi tekove oguata ramo, ojere avei umi ruéda, ha umía opyta ramo, ko’ãva opyta avei; ha umi tekove opu’ã ramo yvýgui, umi ruéda opu’ã avei hapykuéri; umi tekove pytu porã oĩgui umi ruedapýpe.
22Ha umi tekove akã ári oĩ peteĩ ahojaguasuetévaicha ojepysóva ha omimbíva ku ita veráicha.
23Ha pe ahojaguasuete guýpe ipepokuéra ojepyso ikarẽ’ỹre oja hag̃uáicha ojuehe; ha mokõi ipepo reheve omo’ã hete.
24Ha oguata jave ahendu ipepokuéra ryapu, ha’ete yguasu pochy ryapu, Ipu’akapáva ryapúicha oñe’ẽ (osunu) jave, peteĩ ñorãirõhára atyguasu ryapúicha. Ha opyta jave, omboguejy hikuái ipepokuéra.
25Ha oñehendu peteĩ tyapu pe ahojaguasuete ári, oĩva umi tekove akãnguéra ári, ha opyta jave omboguejy hikuái ipepokuéra.
26Ha pe ahojaguasuete ári ahecha peteĩ mburuvicha guapyhaguasu ojejapóva ita veraguiguáicha ha hi’ári oguapy peteĩ ojoguáva kuimba’épe.
27Ha iku’águi yvatévo ahecha peteĩ hiérro hendývaicha ha iku’águi yvy gotýo ahecha tata hendývaicha ha ojajáiva ijerekuévo.
28Ku jýi (árco de Noe) osẽ háicha arai rehe oky jave, péicha ojajái Ñanderuete reko jajaipa ijerekuévo. Ha ahecha vove péva, ajeity che rova yvy rehe, ha ahendu peteĩ oñe’ẽva chéve.
Who We AreWhat We EelieveWhat We Do
2025 by iamachristian.org,Inc All rights reserved.
