1Pemomba’eguasúke peẽ Ñanderuete rembiguáiva guive, pemomba’eguasúke Ñanderuete réra tuichaitéva.
2Toñemomba’eguasu Ñanderuete réra ko’ag̃aite guive opaite ára peve.
3Pe kuarahyresẽha guive oikeha peve, toñemomba’eguasu Ñanderuete réra.
4Ñanderuete oĩ yvate tetãnguéra ári, heko jajaipáva iñasãi yvágare.
5Mávapa ojogua ore Ruete, ore Járape, Ha’e oisãmbyhyhína iguapyhaguasu yvate guive,
6Ha’e ojayvy oma’ẽ hag̃ua yvága ha yvy rehe.
7Ha’e omopu’ã imboriahúvape yvy timbógui, ha ohupi iporiahúvape yty atýragui,
8omboguapy hag̃ua ichupe mburuvichakuéra apytépe, hetã ruvichakuéra apytépe oguapýta ha’e.
9Ñanderuete ojapóta pe kuña ikatu’ỹva imemby, imemby heta hag̃ua ha ovy’a hag̃ua imembyeta apytépe, alelúia (pemomba’eguasu Ñanderuetépe).
Who We AreWhat We EelieveWhat We Do
2025 by iamachristian.org,Inc All rights reserved.
